Jo 37:22 - Ritonõpo Omiry: A Bíblia Sagrada na língua Aparai do Brasil

²² Inikahpozakoxi saereh ãko mana uuru zemime exikety samo. Ritonõpo saerehkatoh imehxo ehtoh eneryke eahmary se sytatose.

Jo 37:22 ပူးပေါင်းရင်းမြစ်များ

1 Koronika 29:11

Imehxo mase, orẽpyra Exikety, xixi motye saerehkaneme mase, ẽmepyry motye, ypy tõ konõto sã osenuruhkapỹme mase toto rihpõme oexiryke. Emero kapu ao exiketõ, nono põkõ roropa okyryryme mã kehko. Tuisamehxo mase emero Esẽme.

Jo 37:21

“Xixi osenepyra mana tonẽse ahtao akurũ tomo a. Yrome saereme exĩko ropa mana akurũ tõ tarose ropa ahtao tyryrykane a.

Jo 37:23

Ritonõpo Jamihmehxo Exikety jamihme kuhse mana, naeroro oehsaromepyra sytatose ipũtokoxi, zae rokẽ mana, ahno onyryhmara mana.

Jo 40:10

Morohne riry waro awahtao tuisamehxo oexiry enepoko, saeremehxo oexiry enepoko roropa, upo kurã amurutoh sã oya.

Saumu 104:1

Ritonõpo Jesemy, imehxo mase! Enekure mase tuisamehxo, saerehkatoh amuruhpõme mase;

Saumu 145:5

Oturũko mã toto xixi motye saereme oehtoh poko, imehxo oehtoh poko roropa. Morohne poko osenetupuhnõko ase, onyrityã osenuruhkatoh tonõ poko.

Saumu 29:4

Ritonõpo omiry tyjamitunuru ke pehme mana; tuisamehxo toehtoh ke pehme roropa mana.

Saumu 66:5

Osehtoko Ritonõpo nyrityã enese, orẽpyra nase tynyrityã poko ahno pynanopyry poko.

Saumu 68:35

Ritonõpo imehxo mana Itapyĩ kurã tae aepyryhtao, Izyraeu tõ Esẽme mana! Tyjamitunuru ekarõko typoetory Izyraeu tomo a. “Kure mase, Ritonõpo!” kahtoko.

Saumu 76:12

kowenu poetory tõ, epyrypaketõ, poremãkapõko Ritonõpo mana. Zuno imehnõ nonory põkõ tuisary tõ ripõko mana.

Saumu 89:8

Ritonõpo Jamihmehxo Exiketyme mase, yna Esemy! Imepỹ pyra mana jamihme Exikety asamo! Emero poko awahtao anamonohpyra mase, Ritonõpo.

Saumu 93:1

Ritonõpo Kuesẽkõ tuisame mana. Tuisamehxo ehtoh ke tupoke mana, tymetyke ynororo tyjamitunuru ke. Sero nono tyrise eya orẽpyra sã esaka, onysyryhmasaromepyra imehnõ mana.

Porowepio 25:23

Inikahpoe tyryrykane ahtao konopo enehpõko, moro sã ajohpe imehnõ kerekeremananõ oxiehno imehnõ ripõko mana.

Izaja 2:10

Tõtonẽtohkõ zupĩko mã toto oramã aka topu tõ ao ypy tõ rãnao, nono ahkãko roropa mã toto, tyzehno xine Ritonõpo ehtoh winoino toepatohkõme repe, Kuesẽkõ saerehkatoh winoino roropa!

Izaja 2:19

Tõtonẽtohkõ zupĩko ahno mã toto oramã aka topu tõ ao ypy tõ rãnao, nono ahkãko roropa mã toto, tyzehno xine Ritonõpo ehtoh winoino toepatohkõme repe, Kuesẽkõ saerehkatoh winoino roropa, aepyryhtao sero nono tykytyky kamexipotohme.

Mikeja 5:4

Mokyro tuisa oehnõko mana typoetory tõ pynanohtohme, kaneru pynanohne samo, Ritonõpo jamitunuru ke. Imehxo exĩko mana Ritonõpo Izyraeu tõ Esẽ omi poe. Ipoetory tõ towomasẽme exĩko mana, tuisa jamihme exiryke mya nono etyhpyry pona.

Naum 1:3

Inehmỹke pyra Ritonõpo mana, axĩ pyra tohne exĩko, yrome jamihme mana, popyra exiketõ enẽko mana, toto wãnopyry eya ekurehpyra mana. Tyryrykane konõto maro ytoytõko mana, tyryrykane jamihmãkomo; akurũ putoh kane sã mana tanỹse ipupuru a.

Epereu 1:3

Ime aexiry saerehkane sã mana. Ritonõpo ime exiry saaro ime aexiry mana ipunaka. Mame Ritonõpo ime exiry enepõko mana sero põkomo a. Tyjamitunuru ke tynyrityã onenahkapopyra mana. Morarame sero põkõ rypyry korokaxĩpo kỹporohne kapu ao, tuisamehxo, Ritonõpo maro. Emero esẽme Ritonõpo mana.

Epereu 12:29

Apoto zemimã emero zahkãko mana. Moro sã mã Kyrihpõkomo. Iirypyrymãkõ enahkãko mana ipunaka.

Juta 1:25

Ynoro rokẽ Ritonõpome mana. Imepỹ pyra mana. Kukurãkanekõme mana Jezu Kyrixtu tonetupuhse kyya xine exiryke Kuesẽkõme. Naeroro: “Emero motye kure mase,” sykatone eya. “Emero motye tuisamehxo roropa mase. Emero motye õmiry jamihme mana. Yna esẽme imehxo mase,” sykatone eya. “Moino ro morara mexine. Morararo mase seromaroro. Kokoro rokẽ morararo mase exikehpyra jũme,” sykatone eya. Enara.