Jo 37:12 - Ritonõpo Omiry: A Bíblia Sagrada na língua Aparai do Brasil

¹² Ritonõpo omi poe, sapararahme ytõko akurũ tõ mana emero rokẽ ehtoh tonõ pona. Ritonõpo nyripohpyry ae ro exĩko mana, emero porehme, sero nono pona.

Jo 37:12 ပူးပေါင်းရင်းမြစ်များ

Jo 36:32

Nenenehkane apoĩko mana tomary ke topohme aropotohme tuotoh pona.

Jo 37:3

Nenenehkane aropõko mana nono etyhpyry poe imepỹ etyhpyry pona, emero rokẽ pona roropa kapu zopikoko.

Saumu 104:24

Ritonõpo, onyrityã tuhke rokẽ rahkene, tuaro oehtoh ke morohne tyrise oya. Sero nono pehme mana onyrityã ke.

Saumu 147:15

Tõmiry ke tyripõko mana, axĩ inyripohpyry exĩko mana.

Saumu 148:8

Kuesẽkõ eahmatoko, nenenehkane konopoimo topuxikiri sã exikety te, kuenimã topuru akurũ kehko, tyryrykane jamihmã tomo aomipona exiketomo.

Izaja 14:21

Imũkuru tõ aorihmapotoko, itamuru tõ popyra ehtopõpyry pokoino, mame tuisame exipyra ekurehnõko mã toto sero nono po, pata tõ onyripyra roropa ekurehnõko mã toto.

Izaja 27:6

Ẽmepyry oehnõko: Izyraeu tõ wewe tymise exikety sã exĩko mana, ahtãko, ekutãko, eperytãko mã toto, moro epery ke sero nono pehkãko mana.

Jeremia 14:22

Imehnõ nonory põkõ neponãmarykõ emero konopo onenehposaromepyra mã toto; tamoreme kapu tuna onemasaromepyra mana nono pona. Oeraximãko ynanase Ritonõpo yna Esemy, omoro rokẽ morohne riry waro oexiryke.”

Joeu 2:23

“Atãkyematoko, Jerusarẽ põkomo, ywy, Ritonõpo Oesẽkõ, nyrihpyry imehxo ehtoh pokoino. Konopo ekaroase oya xine zae konopo oehtoh po, ikonopotatoh po te, eina exisasaka ahtao roropa, konopo itamurume, osemazuhme ehtopõpyry samo.

Amoxi 4:7

Konopo onenehpyra exiase oseruao nuno pune tykyrysã exipyra ro ahtao. Konopo enehpoase toiro pata pona, yrome zakorõ pona onenehpopyra exiase; konopo toehse toiro tupito pona, yrome zakorõ pona arypyra, moroto otyro toorihse emero.

Apokaripxi 11:6

Ritonõpo poe kapu apururu waro mã toto konopo oehpyra ehtohme, Ritonõpo omiry ekaroryhtao imehnomo a. Ritonõpo poe iporiry riry waro roropa mã toto munume. Ritonõpo poe sero põkõ akuruhtanohpory waro roropa mã toto, tuhke tyrohsẽ ke, kokoro rokene ise toto ahtao.