9 moro toehse ahtao mokaro enetupuhpõko Ritonõpo mana, inyrihpyrykõ pokoino tuãnohsẽme exĩko mã toto, iirypyrykõ emetakame, toto epyryparyke roropa.
Ritonõpo, popyra exiketyme jekaropyra exiko! Kuruko oty poko jyhxirõko mah?
Moro sã exĩko emero osepeme se pyra ahtao Ritonõpo maro. Tãtatapoiry se mã ynororo, Ritonõpo Jamihmehxo Exikety poremãkatohme repe.
Juãnohpyra ro awahtao azahkuru ehtoh poko exiase, yrome seromaroro õmiry omipona ase.
Juãnohtopõpyry kure nexiase ya, ynara exiryke: moro pokoino onyripohpyry warohxo toehse ywy.
Ajohpãme sã mokaro apiakako, toto wãnohtohme, Ritonõpo! Osenetupuhnõko mã toto imehnõ ryhmary poko, naeroro tyripoko toto osenahkapotohme! Aropoko toto owinoino, tahxime õmiry omipona pyra toexirykõke, orumekary se roropa toexirykõke.
Ritonõpo yna Esemy, tãkye mã mokaro tamorepase exiketõ oya, Õmiry poko anamorepatyamo.
Iirypyryme ynanase õmihpyry omipona pyra, Ritonõpo, yna rypyry yna hxirõko mã kehko. Wenikehsaromepyra ynanase zae pyra yna ehtopõpyry poko; iirypyryme yna ehtoh enetupuhnõko ynanase.
Naeroro moro tineru tapoise Moeze a.
Ritonõpo a tynymeropohpyry tokarose Atão pakõ amorepatohme, iirypyryme toehtohkõ waro toto ehtohme. Yrome tyyrypyrykõ poko itamurumehxo toehse toto sero põkomo. Orihnõko mã toto emero, iirypyryme toexirykõke. Ritonõpo maro pyra exĩko mã toto. Yrome Ritonõpo itamurumehxo sero põkõ pyno mana.
Yrome: “Popyra matose ya,” ãko Ritonõpo kyya xine kyyrypyrykõ poko kuahtao xine. Kutuarimapotorỹko roropa mana zomory zuaro kuehtohkõme, kyyrypyrykõ poko pyra kuehtohkõme. Morara kuamorepatorỹko Ritonõpo mana apotoimo htaka omõpyra kuehtohkõme tõmipona pyra exiketõ maro.
Ynara kary zae mana, Jezu Kyrixtu nono pona tooehse iirypyrymãkõ pynanohse. Morara katopõpyry enetuputyry kure. Ywy roropa iirypyryme itamurume aexihpyryme ase.