29 Akurũ tõ ytory waro pyra sytatose. Otãto konomeru panaikato exĩko roropa kapu ao, Ritonõpo esao?
Tãtose, koko tyrise eya; akurũ xinukutumãkomo, tuna ke pehme tomyehmase ynororo;
Yrome moro enetupuhpotoh pitiko rokẽ mã kehko, puti puti katoh sã rokẽ inyriry waro kuehtohkõme. Ijamitunuru nymyry imehxo ehtoh waro ehsaromepyra ahno mana.”
tõmiry omipona konopo tyripose ahtao eya, tyryrykane esemary tyripose roropa ahtao eya,
Akurũ poe konopo oehnõko mana, nono ehxikatohme, ahno maro, enara.
Sapararahme nenenehkane aropõko Ritonõpo mana tomye. Yrome zue ao tuna konõto kuao, xinukutume rokẽ mana.
Akurũ tõ atanonohnõko mana konopo maro, nenenehkane emãko mana kapu zopikoko.
Zuaro hma otãto akurũ tõ tyhwyme exĩko nae kae? Morohne mã enetupuhtohme tuarohxo Ritonõpo ehtoh poko.
Onoky akurũ tõ kukuru waro nae? Onoky konopo enehpory waro roropa nae nono ehxikatohme tũpore toehse ahtao?
Ya moro tuna konõto tyõtose akurũ ke, ya ro moro tuna tyõtose ikohmamyryke.
atapyĩ tyrise oya tuna epoe, kae kapu ao. Akurũ tõ rĩko mase akahõme, etonatoh kyryryme; tyryrykane aporiry tõ po ytõko mase.
Yrome tuna tõ tupokase ahtao oya, toepase toh nexiase; õmiry etaryke tyya xine, tykohtase ahtao oya, tururume toytose toto.
Morarame konomeru konõto tyrise Ritonõpo a; tõmiry totapose Ritonõpo Imehxo Exikety a.
Ritonõpo mokyro exikety mã tapõ po iporotyhpyry sero nono epoe, ahno enẽko mana pisarara, maikuato samo. Ynororo mokyro kapu rihpono; kamisa samo kapu tytywyhmase eya, tapyi sã roropa tyrise eya, moro tao toehtohme.
Inehmỹke pyra Ritonõpo mana, axĩ pyra tohne exĩko, yrome jamihme mana, popyra exiketõ enẽko mana, toto wãnopyry eya ekurehpyra mana. Tyryrykane konõto maro ytoytõko mana, tyryrykane jamihmãkomo; akurũ putoh kane sã mana tanỹse ipupuru a.
Ypy tõ oeneryke tykytyky tykase kehko; tuna tukuãse kapu aeino. Tuna tõ nono zopino panaikatome toehse sororokane samo, pohkane konõto samo tõnuhse mã kehko.