Jo 36:27 - Ritonõpo Omiry: A Bíblia Sagrada na língua Aparai do Brasil

²⁷ “Tuna onuhmapõko mana nono poe esaka. Mame konopome moro ripõko mana.

Jo 36:27 ပူးပေါင်းရင်းမြစ်များ

Jo 28:26

tõmiry omipona konopo tyripose ahtao eya, tyryrykane esemary tyripose roropa ahtao eya,

Jo 36:26

Ritonõpo imehxo kuhse mana. Zumo aexiry waro ehsaromepyra sytatose. Otãto jeimamyry nae ynororo? Moro onukuhsaromepyra sytatose.

Jo 36:28

Akurũ poe konopo oehnõko mana, nono ehxikatohme, ahno maro, enara.

Jo 36:33

Konomeru mã enaroximãko tyryrykane jamihmã oepyry poko, pui tõ zuaro mã toto tyryrykane oehsasaka exiry poko.

Jo 37:11

Akurũ tõ atanonohnõko mana konopo maro, nenenehkane emãko mana kapu zopikoko.

Jo 37:6

Aomiry omi poe newe epukãko konopo oepyry samo nono pona, konopo itamurume jamihme roropa enehpõko mana.

Jo 38:34

“Õmiry etapory waro hma kakoxi akurũ tõ a, konopo itamurume enehpotohme zueme tuna ehtohme opona?

Jo 5:10

Konopo enehpõko Ritonõpo mana nono pona, tuna kuãnõko mana tupito tõ pona, ona pona roropa.

Jo 5:9

Inyriry tõ osenuruhkatoh enetupuhsaromepyra sytatose. Inyrihpyry tõ tyjamitunuru ke enahpỹme mã kehko.

Saumu 147:8

Akurũ ke kapu apurũko mana, konopo enehpõko mana nono pona, onahpoty ahtanohpõko roropa mana ypy tõ po.

Saumu 148:8

Kuesẽkõ eahmatoko, nenenehkane konopoimo topuxikiri sã exikety te, kuenimã topuru akurũ kehko, tyryrykane jamihmã tomo aomipona exiketomo.

Porowepio 3:20

Tuaro toexiryke tuna tyripose eya sararakaneme; akuru tõ poe konopo oehtohme nono pona tyrise roropa eya.

Izaja 5:6

Ynarykahpyry turumekasẽme exĩko mana, ãtarykahme ehtohme; uwa amoriry tõ onysahkara exĩko ase, moro nono anakorokara roropa exĩko ase; ãtarykahme rokẽ inomõko ase, omoxino tõ rokẽ ehtohme. Akurũ tomo a konopo onenehpopyra exĩko ase, utupi pona.”

Jeremia 10:13

Tyripose ahtao eya tuna tõ aryryãko kapu ao: akurũ tõ onuhmanohpõko mana nono etyhpyry poe. Neneneh kamexipõko mana konopo maro, tyryrykane tũtanohpõko mana esary poe.

Jeremia 14:22

Imehnõ nonory põkõ neponãmarykõ emero konopo onenehposaromepyra mã toto; tamoreme kapu tuna onemasaromepyra mana nono pona. Oeraximãko ynanase Ritonõpo yna Esemy, omoro rokẽ morohne riry waro oexiryke.”

Zakaria 10:1

Konopo ekaropoko Ritonõpo a eina oehpyra ro ahtao. Ritonõpo mokyro konopo enehpone, akurũ tõ maro, otyro ahtatohme tonahsẽ nae ahno emero ehtohme.