Jo 36:24 - Ritonõpo Omiry: A Bíblia Sagrada na língua Aparai do Brasil

²⁴ Sero nono põkõ emero Ritonõpo eahmãko mã toto inyriry poko. Omoro roropa wenikehpyra exiko mokyro eahmatohme.

Jo 36:24 ပူးပေါင်းရင်းမြစ်များ

1 Koronika 16:9

Oeremiatoko Kuesẽkõ eahmaryme, inyrityã kurã ekarotoko.

Jo 36:25

Amekeino inyriry enẽko sytatose, emero porehme. Osenuruhkãko sytatose inyriry kurã eneryke kyya xine.

Saumu 104:24

Ritonõpo, onyrityã tuhke rokẽ rahkene, tuaro oehtoh ke morohne tyrise oya. Sero nono pehme mana onyrityã ke.

Saumu 107:15

Ah “Kure mase,” nykã toto Ritonõpo a kypyno xine exikehpyra exiryke, typynanohse roropa toexirykõke eya!

Saumu 107:8

Ah “Kure mase,” nykã toto Ritonõpo a kypyno xine exikehpyra exiryke, typynanohse roropa toexirykõke eya!

Saumu 111:8

Jũme exikehpyra mana ajohpe pyra Ritonõpo exiryke, zae rokẽ ynororo exiryke.

Saumu 138:5

Eremiãko mã toto onyrityã poko, saerehkatoh sã imehxo oehtoh exiryke.

Saumu 28:5

Tuaro toexirykõ se pyra mã toto Ritonõpo nyrihpyry poko. Inyrityã tyjamitunuru ke, morohne poko osenetupuhpyra mã toto; naeroro toto wãnohnõko mana, jũme toto enahkapõko mana.

Saumu 34:3

Oximaro imehxo Ritonõpo ehtoh sekarotone imehnomo a; oximõme Kuesẽkõ seahmatone!

Saumu 59:16

Yrome eremiãko ase ajamitunuru poko. Tõmehse ahtao eremiãko ase ypyno oehtoh poko. Jewomaneme toehse mase, jesaryme jamihmã mase popyra ehtoh toehse ahtao.

Saumu 72:18

Ritonõpo eahmatoko, Izyraeu tõ Esemy! Ynoro rokẽ morohne emero Rihpõme aexiryke.

Exutu 15:1

Mame toremiase Moeze tomo Izyraeu tõ maro Ritonõpo Tosẽkõ eahmaryme. Ynara tykase toto: — Eremiãko ase Ritonõpo eahmaryme typoremãkapose toto eya exiryke, orẽpyrahxo toexiryke, kawaru tõ tomase eya, kawaru aronanõ maro tuna konõto kuaka.

Jeremia 10:12

Tyjamitunuru ke sero nono tyrise Ritonõpo Kuesẽkomo a; tuaro toehtoh ke sero nono tyrise eya. Kapu roropa epozakoxi tyrise eya tõsenetupuhtopõpyry ae ro.

Tanieu 4:3

Kure kuhse ijamitunuru mana, inyrityã osenuruhkatohme mana! Tuisame imehxo exikehpyra mana, tuisame aexiry jũme enahpyra mana.

Tanieu 4:37

Morara exiryke ywy, tuisa Napukotonozo, “Kure mase,” ãko ase Ritonõpo Kapu Esemy a. “Tuisamehxo mase,” ãko ase eahmaryme. Inyriry emero zae nase ipunaka, epyrypaketõ poremãkapory waro roropa mana. Enara.

Ruka 1:46

Mame toremiase Maria Ritonõpo netaryme:

Teuteronomiu 4:19

Mame kakoxi õsenuhmarykohtao kapu aka, xixi oneahmara ehtoko, nuno maro, xirikuato tõ maro. Mokarohne tokarose Ritonõpo a emero ahno a sero nono po, ikyryrykõme ehtohme; ah neahmã toto.

Apokaripxi 15:3

Eremiãko roropa toh nexiase Moeze, Ritonõpo poetory nymerohpyry ae. Kaneru mũkuru poko eremiãko roropa toh nexiase. Ynara nase toto: “Papa Kapuaono, Ritonõpo imehxo mase. Onyrityã kure kuhse mana. Orẽpyra mase. Pata tamuru esẽ mase. Zae mase. Ajohpe pyra mase onyrityã poko.

Juize 5:1

Moro ẽmepyry ae Tepora toremiase Parake maro, Apinoão mũkuru maro. Ynara toremiase toto: