Jo 36:20 - Ritonõpo Omiry: A Bíblia Sagrada na língua Aparai do Brasil

²⁰ Ikohmamyry poko penetara exiko, ahno tõ enahtoh poko.

Jo 36:20 ပူးပေါင်းရင်းမြစ်များ

2 Tuisa 19:35

Mame moro kohmamyry ae ro Ritonõpo nenyokyhpyry toytose Axiria esẽ poetory tõ poko. Soutatu tõ taorihmapose eya 185 miumãkomo. Mame imehnõ typakase ahtao aorihtyã ekepyry rokẽ tonese eya xine.

Jo 14:13

“Ynara se hano oya: kyriko aorihtyã tõ esaka, moroto tonẽse jehtohme, zehno pyra oehtohto ropa. Morararo okynahtao ypoko wenikehpyra ehtoh tyripoko!

Jo 34:20

Ahno orikyry otarame oehnõko mõtoino rokene, otarame onoa. Eano mynyhpãnõko mana, mame orihnõko mokyro mana. Takorehmane se pyra Ritonõpo mana tuisame exiketõ etapatohme.

Jo 34:25

Ynara exiryke, mokaro nyriry waro Ritonõpo mana; koko toto akohnõko mana, toto akurihmõko roropa mana.

Jo 36:19

Ãkorehmane kohmary oya anakorehmara mana. Ajamitunuru anakorehmara roropa mana seromaroro.

Jo 6:9

Jetapary se ase eya, jorihmapotohme jũme rokene.

Jo 7:15

Kurehxo ya josesenamyry; joorikyry kurehxo, isene jehtoh sero joko ao popyra mana.

Exutu 12:29

Onoa Ejitu põkõ mũkuru tõ osemazuhme aenurutyã totapase Ritonõpo a emero tapyi tao; tuisa mũkuru osemazupu tumy myakãme exikety poe, ãpuruhpyry tao exikety mũkuru pona, okyno poenõ roropa totapase eya.

Porowepio 14:32

Popyra exiketõ osenahkãko mã toto popyra tynyrityã ke, yrome zae ehtoh poko exiketõ towomase mã toto zae inyrityã exiryke.

Ekereziaxti 11:3

Akurũ xinukutume toehse ahtao konopo oehnõko mana. Mame wewe konõto emero rokẽ pona epukãko mana, yrome toepukase ahtao moroto rokẽ exĩko mana.

Tanieu 5:30

Moro kohmamyry ae ro Peusazaa, Papironia põkõ tuisary totapase.

Ruka 12:20

Mame ynara tykase Ritonõpo eya: “Oepyrypary hmoro. Seroae ro orihnõko mase. Mame onoky omõkomohpyry esẽme exĩko nae? Onoky onukurãkatyã esẽme exĩko nae? Imehnõ õkyryrỹpyry esẽme exĩko mana,” tykase Ritonõpo eya. Mame toorihse ynororo, tykase Jezu eya xine.

Atos 1:25

yna maro aerohtohme Juta myakãme. Iirypyryme Juta toehse exiryke esaka tonyohse ropa mana.