Jo 36:17 - Ritonõpo Omiry: A Bíblia Sagrada na língua Aparai do Brasil

¹⁷ Yrome seromaroro tapiakase mase, iirypyryme mase. Naeroro tuãnohse mase onyrihpyry emetakame.

Jo 36:17 ပူးပေါင်းရင်းမြစ်များ

Jo 16:5

Mãpyra omi kurã ekaroryhtao emuhkehkananomo a, emynyhmara oehtohkõme, jetuhkopyra oetuarimarykõ exiry.

Jo 22:10

Morara exiryke seromaroro popyra ehtoh tuhke ãpurũko mana, mõtoino rokẽ enaroxitapãnõko mase.

Jo 22:11

Tykohmãse opona, osenuhmasaromepyra mexino, tuna zueme toehse opona.

Jo 22:5

Arypyra. Tyyrypyhpyke oexiryke pitiko rokẽ pyra, onyrihpyry tõ popyra ikuhpỹme roropa exiryke, awãnohnõko Ritonõpo mana.

Jo 34:36

Aomiry etaryhtao kyya xine enetupuhnõko sytatose: ajoajohpe exikety sã rokẽ ezuhnõko mana.

Jo 34:7

“Sero nono po imepỹ pyra mana Jo sã exikety. Eya Ritonõpo kerekeremary tupime pyra mana, tuna enyry samo.

Jo 34:8

Popyra exiketõ maro ytoytõko mana, zae pyra exiketõ maro oximõnõko roropa mana.

Porowepio 11:21

Popynõ wãnohnõko Ritonõpo mana, yrome zae ehtoh poko exiketõ osewomãko mã toto.

Romanos 1:32

Ritonõpo omihpyry waro toh mã repe. Ynara ãko Ritonõpo omiry: “Iirypyrymãkõ apotoimo htaka ytõko toh mana, tyyrypyry poko exiketomo,” ãko. Moro waro toh mã repe. Yrome tyyrypyrykõ poko ro mã toto. Onurumekara mã toto. Popyra kuhse mã toto. Imehnomo a tyyrypyrykõ poko exiketomo a, “Kure mase,” ãko roropa mã toto.

Apokaripxi 18:4

Morarame imepỹ omiry etase kaino kapu ae. Ynara nase: — Moro pata irumekatoko, ypoetory tomo. Irumekatoko ipunaka. Mokyro anakorehmara ehtoko iirypyrykõ poko, awãnohpyra xine Ritonõpo ehtohme.