Jo 36:13 - Ritonõpo Omiry: A Bíblia Sagrada na língua Aparai do Brasil

¹³ “Ritonõpo waro pyra exiketõ mã zehno exikehpyra tukurohtao xine, tuãnohse toto ahtao ro, takorehmanekõ onykohmara mã toto.

Jo 36:13 ပူးပေါင်းရင်းမြစ်များ

2 Koronika 28:13

Ynara tykase toto eya xine: — Moxiã anapoityã onenehpyra ehtoko xiaro! Iirypyryme toehse sytatose itamurume Ritonõpo neneryme. Seromaroro onyrirykõ moxiã poko popyrahxo Ritonõpo a. Kyzehno xine toehse ynororo ipunaka.

2 Koronika 28:22

Morarame toetuarimasehxo Akaze ahtao, tyyrypyry poko itamurumehxo nexiase Ritonõpo omipona pyra.

Jo 15:12

Oty katohme openetatoh ekahmãko rokẽ mah? Oty katoh yna zehno exikety sã yna enẽko mah, yna se pyra exikety samo?

Jo 15:4

Etako pahne, Ritonõpo zuno ahno ehtoh enahkapory se hma? Õtururu etaryhtao imehnomo a, oturupyra exĩko mã toto Ritonõpo a.

Jo 36:12

Yrome aomiry omipona pyra toto ahtao, orihnõko rokẽ mã toto tuaro pyra exiketõ samo, tuna akuohnõko mã toto aorihtyã esaka.

Jo 36:14

Zae pyra mã toto, Ritonõpo omiry omipona pyra, imeimehnõ poko mã toto. Naeroro orihnõko mã toto poetome ro toto ahtao.

Jo 36:8

Yrome ãpuruhpyry taka tõmase ahno ahtao, tymyhse toto ahtao keti ke, eary panõ ke roropa etuarimatohme,

Jo 38:23

Morohne kurãkãko ase etuarimatoh ehtoh pona, etonatoh pona roropa.

Saumu 107:10

Toitoine ikohmamyry ao toh nexiase, xinukutume ehtoh ao, tyrohmanohpose ãpuruhpyry tao, tymyhse keti kurimene risẽ ke,

Tanieu 9:13

Morara toehse yna a emero, Moeze nymerohpyry ae ro. Yrome morara ahtao ro yna rypyry onurumekara ynanase. Ritonõpo, yna Esemy, azamaro yna ehtoh onukuhpyra ro ynanase õmiry omipona yna ehtoh ke.

Numeru 32:14

Seromaroro enetoko ke, amarokõ omykõ myakãme matose, iirypyryme matose roropa, Ritonõpo Izyraeu tõ zehnohxo ripõko matose.

Romanos 2:5

Yrome onetarahko sã matose, aomipona se pyra oexirykõke. Naeroro awãnohpotorỹkohxo Ritonõpo mana, kurãkõ apiakatoh po. Morara ahtao kyyrypyrykõ zehno Ritonõpo ehtoh enẽko sytatose. Zae kuapiakarykõ enẽko roropa sytatose.