Jo 36:10 - Ritonõpo Omiry: A Bíblia Sagrada na língua Aparai do Brasil

¹⁰ Otatõme ahno ripõko Ritonõpo mana, enaroximatoh ekaroryhtao eya xine, iirypyrykõ rumekapõko roropa mã eya xine.

Jo 36:10 ပူးပေါင်းရင်းမြစ်များ

2 Tuisa 17:13

Morarame typoetory tõ, urutõ kõ, tonehpose Ritonõpo a Izyraeu tõ zurutohme Juta tõ roropa: “Oorypyrykõ irumekatoko jomihpyry omipona oehtohkõme. Jomihpyry ekaroase atamurukomo a, oya xine roropa, ypoetory tõ, urutõ kõ ae.”

Jo 36:15

Yrome etuarimatoh ke ahno amorepãko Ritonõpo mana. Popyra ehtoh eneryke enurukõ etapuruhmakãko mana enetupuhtohme Ritonõpo poko.

Jo 36:21

Etuarimãko mase popyra oehtoh pokoino. Tomeseke exiko eramara ropa oehtohme moro poko ropa.

Saumu 40:6

Okyno tõ etapary ynanekaroryme ise pyra mase, tiriiku tõkehko maro. Okyno tõ zatyry apoto apõ po onekaropopyra mase yna a yna rypyry korokatohme. Yrome ypanary totapuruhmakase oya, õmiry etatohme ya.

Izaja 48:17

Ynara ãko Ritonõpo, Izyraeu tõ Esẽ kurano, toto Pynanohnekomo, typoetory tomo a: “Ywy ase Ritonõpo Oesẽkomo. Ãmorepatorỹko ase kure rokẽ oehtohkõme, zae ehtoh ritohme oya xine.

Izaja 48:8

Ajohpe oehtohkõ waro exiase; onekunohtõme mexiatose oenurutopõpyry poe ro. Morara exiryke sero poko onetapitopyra mexiatose, moino ro zuaro pyra mexiatose senohne ehtoh poko.

Izaja 50:5

Tuaro jehtoh ekarose Ritonõpo ya, ỹme exiase, aomiry omipona exikehpyra exiase, epara exiase ewinoino.

Ozeja 14:1

Izyraeu tomo, osehtoko ropa Ritonõpo Oesẽkomo a! Mepukatose oorypyrykõ poko toehse oexirykõke.

Jona 3:8

Upo amurutoko kamisa topuxiximã risẽ rokene, oekykõ roropa! Mame oturutoko yronymyryme Ritonõpo a te, zae pyra oehtohkõ irumekatoko oorypyrykõ roropa.

Sowonia 3:7

Ynara tõsenetupuhse ywy: “Seromaroro jomihpyry omipona exĩko ypoetory tõ mana. Zae pyra toehtopõpyrykõ kurãkapõko mã toto ya. Wenikehpyra exĩko mã toto tuhke rokẽ tuãnohtopõpyrykõ poko ya.” Yrome orẽpyra toh nexiase popyra ehtoh poko toehtohkõme.

Mateu 3:8

Oorypyrykõ rumekary se awahtao xine kure ehtoko. Kure imehnõ tyritoko oorypyrykõ rumekatopõpyry oya xine waro imehnõ ehtohme roropa.

Atos 16:14

Moroto kamisa kurã ekamone kynexine nohpo, esety Ritia, Tiatira pono. Ritonõpo omipona exiketyme ynororo kynexine. Mokyro a Pauru omiry totase, Ritonõpo omiry ekaroryhtao. Aosenetuputyry totapuruhmakase Ritonõpo a. Jezu tonetupuhse eya tukurohtao.

Atos 17:30

Pake tuaro pyra oexirykõke ohxiropyra xine Ritonõpo kynexine oorypyrykõ poko. Seromaroro emero oorypyrykõ rumekapõko mana emero pata põkõ punero.

Atos 3:19

— Oorypyrykõ irumekatoko. Jezu eahmatoko oesẽkõme aehtohme, oorypyrykõ korokatohme eya,

Tiaku 4:8

Ritonõpo maro se oexirykõ se awahtao xine, amaro xine se roropa ynororo mana. Iirypyrymãkomo, oorypyrykõ irumekatoko, oorypyrykõ ikorokapotoko Ritonõpo a.