Jo 34:29 - Ritonõpo Omiry: A Bíblia Sagrada na língua Aparai do Brasil

²⁹ “Yrome Ritonõpo mynyhme toehse ahtao, ‘Popyra mana,’ kasaromepyra exĩko imehnõ mana. Tõmyty tonẽse ahtao eya takorehmaneke pyra kymarokõ exiry, towomaneke pyra roropa.

Jo 34:29 ပူးပေါင်းရင်းမြစ်များ

2 Samueu 7:1

Morarame torẽnase Tawi tuisame toexiry poko, tytapyĩ konõto tao, epetõkara emero typoremãkapose roropa Ritonõpo a.

2 Koronika 20:30

Naeroro osetapara ropa Juta tõ toehse tuisame Josapa ahtao ro osepeme toto tyrise Ritonõpo a, emero katonõ nonory põkõ maro.

Jo 12:14

Itahkaryhtao Ritonõpo a, onyrisaromepyra ropa ahno mana. Tymyhse ahtao Ritonõpo a, onymyhpokasaromepyra ropa ahno mana.

Jo 23:13

“Tyriry se Ritonõpo ehtoh rĩko mana, tõsenetupuhse ynororo ahtao tyritohme, onytyoromara imehnõ mana.

Jo 34:28

Tymõkomokãkara kui tykamexipose eya xine Ritonõpo netaryme, aomirykõ totase eya, tykohmary takorehmatohkõme.

Jo 34:30

Moro toehse ahtao osewomara exĩko sytatose popyra tuisa tõ winoino, kowenume toto exĩko, kynonorykõ ryhmatohme.

Saumu 13:1

Ritonõpo Jesemy, jũme ypoko tuenikehse mahno? Otara ahtao otonẽkehnõko mah, oẽmyty enetohme ropa ya?

Saumu 143:7

Axĩ ke kuezuhko, Ritonõpo Jesemy tapotũkehse jexiryke oeraximary poko. Ywino otonẽpyra exiko, jorikyryino imehnõ orihketõ maro.

Saumu 27:9

Otonẽpyra exiko ywinoino. Yzehno pyra exiko; owinoino jaropopyra exiko. Jakorehmahpono, jurumekara exiko, toiroro ynomopyra exiko, Ritonõpo Ypynanohne.

Saumu 30:7

Ritonõpo Jesemy, kure rokẽ mexiase ya, kuewomase tapyi jamihmã samo ypy po. Yrome moromeĩpo tõtonẽse mexiase ywinoino, mame enaromỹke toehse ywy.

Saumu 94:10

Ahno tõ zupokãko Ritonõpo mana; toto onuãnohpyra roropa hnae? Sero nono põkõ emero amorepãko Ritonõpo mana; oty katohme zuaro pyra ynororo, ekarõko matou?

Saumu 94:13

Torẽtyke pyra ehtoh ekarõko mase eya xine popyra ehtoh toehse ahtao, yrome popyra exiketõ esaryme eutary tahkasẽme exĩko zonẽtohme.

Exutu 33:14

Ynara tykase Ritonõpo eya: — Amaro ytõko ase. Orẽpyra orĩko ase oepetõkara poremãkapotohme oya.

Izaja 26:3

Õmiry omipona se exiketõ rĩko mase torẽtyke pyra, oenetuputyryke eya xine.

Izaja 32:17

Mame zae ehtoh poko toehse emero exiryke osepeme exĩko mã toto, osetapara exĩko, jũme towomasẽme exĩko mã toto.

Jeremia 27:8

— Yrome ahno nae ahtao Papironia tuisary poetoryme toexirykõ se pyra ahtao, aomiry omipona se pyra roropa toto ahtao, mokaro wãnohnõko ase etonatoh ke, omise konõto ehtoh ke, tyrohsẽ ke, enara. Mame etyhpyryme mokaro ahno enahkapõko ase Napukotonozo a. Ywy Ritonõpo oturuno.

Ezekieu 34:15

Ywy roro jeky tõ ewomaneme exĩko ase, osa kurã menekãko ase kaneru tõ oserematohme. Ywy, Ritonõpo Oesẽkõ, oturuno.

João 14:27

— Torẽtyke pyra oripotorỹko ase. Torẽtyke pyra ypoe exĩko matose. Jenetupuhpynõ poe torẽtyke pyra exipyra matose. Ypoe rokẽ torẽtyke pyra exĩko matose. Torẽtyke pyra ehtoko. Emynyhmara roropa ehtoko. Oserehpyra roropa ehtoko.

Piripo 4:7

Mame torẽtyke pyra oritorỹko mã Ritonõpo. Otãto? Zuaro pyra sytatose repe. Ynororo rokẽ zuaro torẽtyke pyra oritohkõ poko. Jezu Kyrixtu maro oexirykõke oewomatorỹko mana. Õsenetupuhtohkõ kurãkãko ropa mana. Kyrixtu omipona se rokẽ exĩko matose.