Jo 34:23 - Ritonõpo Omiry: A Bíblia Sagrada na língua Aparai do Brasil

²³ Ẽmepyry menekary se pyra Ritonõpo mana zae ahno apiakatohme, iirypyrykõ emero zuaro mana.

Jo 34:23 ပူးပေါင်းရင်းမြစ်များ

Extara 9:13

Yrome emero toehse ahtao yna wãnopyryme yna rypyry epehpyryme azahkuru yna ehtopõpyry emetakame, zuaro ynanase; oya, Ritonõpo, tuãnohse yna zokonaka rokene emero pyra yna rypyry epehpyryme. Opoe isene ro ynanase.

Jo 11:11

Ahno tõ popyra exiketõ waro Ritonõpo mana; inyrirykõ popyra ehtoh onenekehpyra mana.

Jo 11:6

Ãmorepary roropa tuaro ehtoh poko, tokare pyra ro ahtao ro, itamurume zuaro ehtoh nae ro mana. Yrome zuaro ehsaromepyra sytatose. Tamorepase awahtao eya ynara enetupuhnõko mase: zokonaka rokẽ awãnohnõko Ritonõpo mana onyrihpyry emetakame.

Jo 16:21

Tope ewomary sã imepyny a, moro sã jewomane se hano zae jehtoh ekarotohme Ritonõpo a.

Jo 23:7

Ajohpe pyra exiketyme ase. Otarame osekarõko ase emero porehme inetaryme. Mame jũme rokẽ iirypyryme pyra jekarõko mana.

Jo 34:24

Tamorepary se pyra roropa mana tuisamehxo exiketõ kuhtohme, toto enahkatohme, esarykõ ekarotohme imehnomo a.

Jo 9:3

Ritonõpo onezuhsaromepyra ahno mana. Ekaropotoh miu motye ekaropõko mana, onezuhsaromepyra kymarokomo.

Saumu 119:137

Zae rokẽ mase, Ritonõpo Jesemy; onyripohpyry tõ zae roropa mana.

Izaja 42:3

Amoriry etahkasẽ onemapopyra exĩko mana, ezuru aryry ezehsasaka ahtao onezehkapopyra exĩko ynororo mana. Tyyrypyrykõke iporemãtyã pitiko zemime exikety sã mana; mokaro pynanohnõko mana. Etuarimaketõ pynanohnõko roropa mana pitiko rokẽ enetuputyryhtao ro eya xine, toto zehno pyra exĩko mana, toto akorehmãko roropa mana itamurumehxo tonetupuhtohme toto a.

Jeremia 2:5

Ynara ãko mana: “Oty popyra jehtoh tonese atamuru tomo a jurumekatohme eya xine? Tyneponãmarykõ typahsẽme, isene exiketõ kara toahmase eya xine, mame isaaro toehse roropa toh nexiase typahsẽme sã rokene.

Romanos 9:20

Yrome etako pahne jepe, Ritonõpo maro oseosezuhpyra exiko: “Oty katohme serara kyriase?” kara orino tumerime tapuhse ahtao. Tyrihpõ onezuhpyra mana. Mokyro, orino apuhne sã Ritonõpo mana kypoko xine.