Jo 34:15 - Ritonõpo Omiry: A Bíblia Sagrada na língua Aparai do Brasil

¹⁵ moro toehse ahtao ahno emero orihnõko oximõme, nonome exĩko ropa mã toto.

Jo 34:15 ပူးပေါင်းရင်းမြစ်များ

Jenexi 3:19

Yronymyryme erohnõko mase, enãkutãko roropa mase otupi poko tỹkyryneke oehtohme, oorikyry ponãmero. Mame nonome exĩko ropa mase. Nono apuhsẽme oexiryke nonome exĩko ropa mase toorihse awahtao, tykase.

Jenexi 7:21

Toorihse emero isene exiketomo, nono põkomo: torõ tomo te, okyno tõkehko te, onokyro tõkehko te, nono poro ytoytoketomo te, ahno, enara.

2 Samueu 14:14

Toipe sytatose orihnõko, emero porehme. Kymarokõ tuna sã exĩko tukuãse ahtao nono pona. Ananỹpyra ropa sytatose. Moro saaro toorihse kuahtao xine kuẽsemãkapopyra xine ropa Ritonõpo mana isene ropa kuehtohme. Yrome orutua enehpory ropa waro mase katonõ nonory poe.

Jo 10:9

Wenikehpyra exiko orino risẽme kyriase; ikurepatome jyrĩko ropa mahno?

Jo 30:23

Jarõko mase aorihtyã esaka, zuaro ase. Morotona isene exiketõ ytõko mã toto emero porehme.

Jo 34:16

“Seromaroro, Jo, tuaro awahtao jomiry etako, otato exiko.

Jo 9:22

Ya, emero rokẽ oxisã mana; morara exiryke ynara ãko ywy: kurãkõ enahkãko Ritonõpo mana popyra exiketõ samo.

Saumu 104:29

Toto winoino oeramaryhtao oserehnõko mã toto; toto oserematoh tupuxihkase ropa oya ahtao orihnõko mã toto, nonome exĩko ropa nono risẽme toexirykõke.

Ekereziaxti 12:7

Mame kuekepyrykõ nonome exĩko ropa mana nono risẽme exiryke, kuzenukõ ytõko ropa mana Ritonõpo a tokarose eya exiryke kyya xine.

Izaja 27:4

Utupi zehno pyra toehse ropa ase; omoxino tõkehko ãtarykahme ahtao ynarykahpyry wiripitanopyryhtao, morohne poremãkãko ase, jahkãko ase moro ãtaryka enahkatohme.

Izaja 57:16

Ypoetory tõ zupokakehnõko ase, jũme pyra toto zehno exĩko ase; toto zehno exikehpyra jahtao orikyry toto, yrome isene ypoetory tõ tyrise ya, toto orikyry enery se pyra jexiryke.