Jo 33:23 - Ritonõpo Omiry: A Bíblia Sagrada na língua Aparai do Brasil

²³ “Otarame ipynanohnõko Ritonõpo nenyokyhpyry mana. Tuhke miumãkõ nae inenyohtyamo. Ahno amorepãko mã toto zae ehtoh riry poko.

Jo 33:23 ပူးပေါင်းရင်းမြစ်များ

Jenexi 40:8

— Tõsenehse yna koko. Yrome tuaro exikety pyra nase yna amorepatohme yna osenehtopõpyry poko, tykase toto eya. — Ritonõpo mã tuaro, õsenehtopõpyry enetupuhpõko mana, tykase Joze eya xine. — Kurutoko õsenehtopõpyrykõ poko, tykase.

Neemia 9:33

Zae mase ipunaka yna wãnopyry poko; zae ro mexiase, iirypyryme toehse yna ahtao ro.

Jo 11:6

Ãmorepary roropa tuaro ehtoh poko, tokare pyra ro ahtao ro, itamurume zuaro ehtoh nae ro mana. Yrome zuaro ehsaromepyra sytatose. Tamorepase awahtao eya ynara enetupuhnõko mase: zokonaka rokẽ awãnohnõko Ritonõpo mana onyrihpyry emetakame.

Jo 34:10

“Seromaroro, tuaro exiketomo, jomiry etatoko. Azahkuru ehtoh rĩko Ritonõpo nae? Ritonõpo Jamihmehxo Exikety zae pyra ehtoh onyripyra mana.

Jo 34:12

Ritonõpo Jamihmehxo Exikety popyra ehtoh onyripyra mana. Zae ehtoh poko rokẽ mana imehnomo a emero porehme.

Jo 34:32

Mekaropoase Ritonõpo a azahkuru oehtoh enepotohme oya? Oorypyry tõ rumekary se mexino morohne poko pyra ropa oehtohme?

Jo 35:14

“Jo, Ritonõpo onenepyra oexiry ekarõko mase. Yrome penekehpyra exiko eraximary poko; oehtoh poko zuaro mana.

Jo 36:3

Tuaro jehtoh pitiko rokẽ pyra mana. Moro ke enetupuhpõko ase oya zae Ritonõpo ehtoh poko, Jyrihpono.

Jo 37:23

Ritonõpo Jamihmehxo Exikety jamihme kuhse mana, naeroro oehsaromepyra sytatose ipũtokoxi, zae rokẽ mana, ahno onyryhmara mana.

Jo 9:3

Ritonõpo onezuhsaromepyra ahno mana. Ekaropotoh miu motye ekaropõko mana, onezuhsaromepyra kymarokomo.

Jo 9:33

Yna a asakoro, apiakane pyra mana, yna atae pyra ehtoh apiakatohme: ywy, Ritonõpo maro, atae yna ripotohme.

Saumu 119:75

Ritonõpo, zuaro ase yna apiakary oya zae rokẽ mã ipunaka, tuãnohse roropa exiase oya, ypyno exikehpyra oexiryke.

Saumu 94:12

Ritonõpo yna Esemy, tãkye mã mokaro tamorepase exiketõ oya, Õmiry poko anamorepatyamo.

Ekereziaxti 7:28

Imehnõ ezuhtoh tupise roropa ya repe yrome onenepyra exiase ipunaka. Zae exiketõ zupiase miume orutua kõ ahtao toiro enease zae ehtoh poko rokẽ exikety, yrome nohpo zae exiketyme onenepyra exiase.

Izaja 59:16

Typoetory tõ akorehmane pyra eneryke tyya tõsenuruhkase Ritonõpo kynexine. Morara exiryke tyjamitunuru ke rokẽ toto pynanohnõko mana, zae exiketyme toexiryke Tuisame Imehxo exĩko mana.

Ramẽtasão 3:32

Emynyhmatoh enehporyhtao ro kyya xine kypyno xine ro mana yronymyryme, kypyno xine aehtoh jamihme mana.

Tanieu 9:14

Mosenetuputyase, Ritonõpo, yna wãnopyry poko, mame morara tyripose oya rahkene. Omoro mase Ritonõpo, yna Esemy; zae rokẽ mase onyriry tõ poko emero, yrome otato pyra ynanexiase onyripohpyry poko yna a.

Ajeu 1:13

Mame Ritonõpo omihpyry tokarose Ajeu a Juta tomo a, ynara tykase ynororo: — Amaro xine exĩko ase. Ywy Ritonõpo oturuno.

Marakia 2:7

Zae imehnõ amorepatohme ypoko, oturuketõ tyripose ya, tuaro se imehnõ ahtao zae ehtoh poko, ah nytõ toto oturuketomo a Ritonõpo Jamihmehxo Exikety omiry ekaronanõme aexirykõke.

Marakia 3:1

Ritonõpo Jamihmehxo Exikety ynara ãko: — Jomiry arone aropõko ase osemazuhme jesemary kurãkatohme. Mame Oesẽkõ eraximaryhtao oya, axĩ oehnõko mana Tytapyĩ taka. Ritonõpo omiry arone enery se oehtohkõ oehnõko mana. Ynetapohpyry ekarõko mana.

Atos 8:30

Tururume toytose Piripe kahosa aka. Morarame Izaja nymerohpyry sekeremary totase eya. — Onysekeremary enetupuhnõko hma? tykase ynororo Etiopia pono a.

Romanos 11:13

Oya xine juteutõkara a ynara ãko ase, Ritonõpo nymenekahpyryme ase ãmorepanekõme tõmiry kurã poko. Yronymyryme erohnõko ase ãmoreparykõ poko. Tãkye roropa ase.

2 Korĩtiu 5:20

Morara exiryke Kyrixtu poe ourutorỹko ynanase. Ritonõpo poe roropa ourutorỹko ynanase. Oeahmatorỹko ynanase Kyrixtu omi poe. Osekarotoko Ritonõpo a ajohpãme samo, ise pyra awahtao xine ro. Mame typyno oritorỹko mana.

Juize 2:1

Ritonõpo nenyokyhpyry toytose Kiukau poe Pokĩ pona Izyraeu tõ zuruse, ynara tykase ynororo: — Kuapoiatose Ejitu nonory po awahtao xine, kuenepyatose xiaro, sero nono pona, ynekarohpyry pona atamurukomo a. Ynara akene eya xine: “Jũme jomihpyry onytyoromara ase.