Jo 33:22 - Ritonõpo Omiry: A Bíblia Sagrada na língua Aparai do Brasil

²² orihsasaka mana, okynã pyra ekepyry arõko mã toto zonẽtohme.

Jo 33:22 ပူးပေါင်းရင်းမြစ်များ

2 Samueu 24:16

Mame Ritonõpo nenyokyhpyry orihmatõ tooehse ahtao Jerusarẽ pona morotõkõ etapase, typenekehse Ritonõpo Izyraeu tõ wãnopyry poko. Ynara tykase ynororo tynenyokyhpyry a: — Epo hnae! Toto onetapara exiko, tykase. Moroto nexiase, Ritonõpo nenyokyhpyry, Arauna nonory po, tiriiku apotoh esary pũto, jepuseume exiketyme nexiase ynororo.

Jo 15:21

Panaikatõ etaryhtao oserehnõko mana; tõsewomase osekarõko mana, moro ae ro omato tõ oehnõko osetapase imaro.

Jo 17:1

Apotũkehnõko ase. Isene jehtoh enahsasaka mana; jekepyry zonẽtoh jeraximãko mana seromaroro.

Jo 33:18

Morararo ahno pynanohnõko mana orihpyra ehtohme, kuetapara xine imehnõ ehtohme.

Jo 33:28

Typynanohse exiase eya orihpyra jehtohme. Saereme ehtoh enẽko ro ase.’

Jo 7:7

Ritonõpo, wenikehpyra exiko, isene jehtoh puu katoh sã rokẽ mana. Jenuru ke jũme tãkye ehtoh onenepyra ropa exĩko ase.

Saumu 107:18

tõtukurukõ se pyra toehse, takuruhtase toh nexiase, ameke pyra toehse toorikyrykõ poko.

Saumu 17:4

imehnõ orutua kõ sã pyra ase. Õmihpyry omipona toehse ywy, imehnõ ryhmananõ ehtoh sã pyra ase.

Saumu 30:3

Kypynanopyase orihpyra jehtohme. Mokaro orihketõ maro exiase, yhtõko mã toto aorihtyã esaka, yrome isene ropa kyriase.

Exutu 12:23

Ejitu põkõ etapase Ritonõpo ytoryhtao moro munu enẽko mana omõtoh ehpiry poko. Tynenyokyhpyry anaropopyra mana atapyĩ tõ taka oetapatohkõme.

Izaja 38:10

Nuaseme jahtao ro orihnõko ase, tamuhpõme pyra, osekaroase repe, aorihtyã esaka ytõko ase, moro sã enetupuhnõko exiase repe.

Atos 12:23

Morarame mokaro omiry etaryke tyya Erote zehno toehse Ritonõpo. “Arypyra ase Ritonõpo rokẽ imehxo mana,” kara exiryke. Naeroro Erote totapase rahkẽ Ritonõpo nenyokyhpyry a. Moromoro a tuhmokapose. Toorihse.

1 Korĩtiu 10:10

Ritonõpo poko tãtakirimase kytamurukomo. Naeroro taorihmapose toto Ritonõpo nenyokyhpyry a. Toorihse toto. Naeroro Ritonõpo poko atakirimara sehtone.

Apokaripxi 9:11

Tosẽke roropa toh mana, Ritonõpo nenyokyhpyry mokyro, joroko tõ eutary erase. Mokyro esety epereu omiry ae Apatõme mana. Kyreku omiry ae Aporiãome mana, (ryhmatõ kary).

1 Samueu 2:6

Ritonõpo Kuesẽkõ aorihmapõko mana, isene imehnõ rĩko mana. Imehnõ poremãkapõko aorihtoh pona, yrome imehnõ ẽsemãkapõko ropa mana.