Jo 32:21 - Ritonõpo Omiry: A Bíblia Sagrada na língua Aparai do Brasil

²¹ Zae rokẽ oturũko ase, ajohpe pyra ipunaka, opyrypara xine ase ipunaka.

Jo 32:21 ပူးပေါင်းရင်းမြစ်များ

2 Samueu 14:17

Seromaroro õmihpyry ae ro oseremãko ase typynanohse oya jexiryke. Ritonõpo nenyokyhpyry sã mase, ipoe tuaro mase, amaro Kuesẽkõ Ritonõpo exikehpyra exiry se hano.”

2 Samueu 14:20

Tyrise eya ãkorehmatohme zae tyritoh poko oya. Tuaro mase Ritonõpo nenyokyhpyry samo. Emero rokẽ toehse ahtao zuaro mase.

Jo 13:10

Zae pyra awahtao xine, tokare pyra ro awahtao xine, iirypyryme oekarotorỹko mana, oupokatorỹko roropa.

Jo 13:8

Ritonõpo akorehmaneme osekarõko matou? Mokyro ewomãko matou juize ẽpataka oturutoh tao?

Jo 32:20

Oneanahtopyra toehse ywy, jotururu se hano jetuhkopyra ehtohme. Josenetupuhtoh ekarory se ase.

Jo 32:22

Jepyrypary waro pyra ase, moro riryhtao ya, axĩ juãnohnõko Ritonõpo mana.

Jo 33:3

Topohme josenetupuhtoh ekarõko ase oya, ajohpe pyra ase.

Jo 34:19

Kurehxo tuisame exiketõ onyripyra Ritonõpo mana, tamuximãkõ roropa, popyrahxo tymõkomokãkara onyripyra roropa mana, emero ahno tyrise exiryke eya.

Saumu 82:2

“Epo hnae zae pyra imehnõ apiakary poko oya xine, popyra exiketõ anakorehmara ehtoko.

Porowepio 24:23

Ynara roropa tuaro exiketõ nekarohpyry: Kure mana zae rokẽ ahno apiakaryhtao apiakananomo a.

Porowepio 28:23

Ahno tupokase ahtao oya osepemehxo exĩko matose imeĩpo, ipyrypary motye.

Rewitiku 19:15

— Zae rokẽ ehtoko imehnõ apiakaryhtao oya xine; tymõkomokãkara akorehmary se rokẽ pyra ehtoko, tamuximehxo exiketõ zuno pyra ehtoko. Zae rokẽ imehnõ apiakatoko, emero porehme.

Marakia 2:9

Morara exiryke ohtomapotorỹko ase ahno a, orumekatohkõme eya xine jomipona pyra oexirykõke, ahno toehse ahtao oya xine atae pyra toehtohkõ apiakapotohme oya xine zae jomiry omipona nymyry pyra moro apiakãko matose. Ywy, Ritonõpo Jamihmehxo Exikety, oturuno.

Mateu 22:16

Mame typoetory tõ taropose eya xine Jezu a, Erote epe tõ maro. Ynara tykase toto Jezu a: — Zae rokẽ yna amorepãko mase. Awaro ynanase. Ritonõpo omiry poko yna amorepãko mase. Torẽtyke pyra roropa mase opoko. Okerekeremaryhtao imehnomo a oty kara mase. Oenery poko roropa imehnomo a oty kara mase.

Teuteronomiu 1:17

Ajohpe pyra ehtoko, zae rokẽ imehnõ tyritoko. Oxisã toto tyriko tuisame pyra exiketõ ahtao, tuisame exiketõ maro. Imehnõ zuno pyra ehtoko, Ritonõpo ãkorehmatorỹko mana zae tyripotohme. Mame tupime exiketõ toehse ahtao, zae ehtoh waro pyra awahtao, moro enehko ya apiakatohme.”

Teuteronomiu 16:19

Imehnõ wãnopyryhtao onymotyẽkara ehtoko; oxisã emero tyritoko. Tineru anapoipyra ehtoko zae pyra exikety wino. Tineru apoiryhtao zae pyra exikety nekarohpyry zae pyra exĩko mase tuaro ehxĩpo, ajohpe pyra ehxĩpo roropa, mame zae pyra apiakãko mase.