Jo 31:6 - Ritonõpo Omiry: A Bíblia Sagrada na língua Aparai do Brasil

⁶ Jukukuru se ase Ritonõpo a ikuhtoh ajohpe pyra exikety ke. Zae rokẽ jehtoh enẽko mana.

Jo 31:6 ပူးပေါင်းရင်းမြစ်များ

Jo 23:10

Yrome jytojytory waro mana ipunaka; tukuhse jahtao eya, uuru kurã sã exĩko ase ineneryme.

Jo 32:1

Zae rokẽ toehtoh poko oturukehpyra Jo nexiase. Morara exiryke epe tõ oseruaõkõ tõturukehse toto, onezuhpyra toehse toh nexiase.

Jo 6:2

“Jetuarimary kuhpory se ase sam kary roropa ikuhtoh po.

Jo 6:3

Isawã motye omoxihxo exiry tuna konõto ehpio po. Morara exiryke oturuno zehno exikety samo.

Saumu 1:6

Ynara exiryke, tõmipona exiketõ pynanohnõko Ritonõpo mana, yrome popyra exiketõ wãnohnõko mana.

Saumu 139:23

Ritonõpo kueneko, ukurohtao juaro oehtohme! Kukuhko roropa josenetupuhtoh waro oehtohme.

Saumu 26:1

Ritonõpo Jesemy, zae exiketyme kuekaroko zae ehtoh poko jexiryke, oenetuputyryke ya roropa yronymyryme.

Porowepio 16:11

Zae omoxinety kuhtoh Ritonõpo kyryryme mana; morara exiryke zae rokẽ kuosepekatyrykõ se Ritonõpo mana.

Porowepio 21:2

Onyriry emero zae mã oya repe, yrome wenikehpyra exiko, ise oehtoh enẽko Ritonõpo mana okurohtao.

Izaja 26:7

Zae ehtoh poko exiketõ esemary tupime pyra mana; Omoro, Ritonõpo, zae exiketõ esemary rĩko mase amimome.

Tanieu 5:27

TEQUEL kary: “Tukuhse mexiase omoxinety kuhtoh ke, zohzohme mase.”

Mikeja 6:11

Oorypyrykõ onykorokasaromepyra ase zae pyra ikuhtoh poko awahtao xine ajohpe omoxinety kuhtoh ke imehnõ enekunopyryhtao oya xine.

Mateu 7:23

Mame ynara ãko ase eya xine: “Awaro xine pyra ase ipunaka. Ytotoko taroino. Oorypyrykõ poko rokẽ matose,” ãko ase eya xine.

2 Timoteu 2:19

Yrome Ritonõpo nukurãkatyã onyryhmara mana. Ynara tymerose exiryke Ritonõpo omiryme: “Kuesẽkõ typoetory tõ waro mana,” me tymerose. Ynara roropa tymerose: “Kuesẽkõ poetoryme kuahtao xine kyyrypyrykõ rumekãko sytatose,” me tymerose roropa.

Jozue 22:22

— Ritonõpo Imehxo mana! Emero rihpõme mana! Jamihmehxo mana! Emero Esẽme mana. Tuaro mã ynororo oty katoh moro tyrise yna a. Amarokõ roropa tuaro ehtoko. Moro ynanyrihpyry Ritonõpo rumekatohme tyrise yna a ahtao, ah ynanorihxi.

1 Samueu 2:3

“Kurehxo ase, imehnõ motye,” kara ehtoko epyrypara ehtoko opoko xine. Kuesẽkõ rokẽ tuaro mana, Ritonõpo rokẽ kynyrihpyrykõ apiakãko mana.