Jo 31:4 - Ritonõpo Omiry: A Bíblia Sagrada na língua Aparai do Brasil

⁴ Ynyriry emero waro Ritonõpo mana. Jytojytory enẽko roropa mana.

Jo 31:4 ပူးပေါင်းရင်းမြစ်များ

Jenexi 16:13

Mame tyorõme Ritonõpo tosehpase Akara a: “Mã jeneneme Ritonõpo”. Ynara exiryke imaro tõturuse Ritonõpo nenyokyhpyry, tõturupose roropa ynororo tyya rokene: “Ajohpe pyra nae, Mokyro eneno, Jeneneme?” tykase.

2 Koronika 16:9

Kokoro rokẽ sero nono põkõ enẽko Ritonõpo mana emero porehme. Tyjamitunuru ekarõko mana yronymyryme aomiry omipona exiketomo a. Putupyra exikety sã myriase, naeroro taroino osetapakehpyra mase.

Jo 11:11

Ahno tõ popyra exiketõ waro Ritonõpo mana; inyrirykõ popyra ehtoh onenekehpyra mana.

Jo 14:16

Ypynanohnõko mase azahkuru pyra jehtohme, jenepyra mase popyra ynyriry tõ ehtoh kuhtohme.

Jo 23:10

Yrome jytojytory waro mana ipunaka; tukuhse jahtao eya, uuru kurã sã exĩko ase ineneryme.

Jo 24:23

Imehnõ ewomãko Ritonõpo mana isene ro, yrome toto onenekehpyra mana.

Jo 28:24

Sero nono etyhpyry tõ eneryke eya, emero osa tõ enẽko mana, sero nono põkõ nyriry roropa emero enẽko mana.

Jo 31:37

Ritonõpo a ynyrihpyry emero ekarory, ẽpataka xikihme jexiry, ihximyra, tupuehme kara.

Jo 34:21

Ynara exiryke kynyrirykõ emero enẽko mana. Kuenetorỹko roropa mana ytoytõko kuahtao xine.

Jo 36:7

Zae ehtoh poko exiketõ ewomãko Ritonõpo mana, tuisame toto ripõko mana, jũme tuisamehxo toto ripõko mana.

Saumu 44:21

moro poko yna ahtao zuaro oexiry, emero ahno osenetupuhtoh waro oexiryke, tokare pyra ahtao ro zuaro mase.

Porowepio 15:3

Sero nono põkõ emero enẽko Ritonõpo mana; zae ehtoh poko exiketõ enẽko mana, zae pyra ehtoh poko exiketõ enẽko roropa mana.

Porowepio 5:21

Onyriry emero enẽko Ritonõpo mana, oytoytory enẽko roropa mana.

Jeremia 16:17

Inyrirykõ enẽko ase emero porehme. Otonẽpyra mã toto ywinoino. Inyrihpyrykõ enẽko ase emero porehme.

Jeremia 32:19

Zumo mã toto õsenetupuhtoh tonõ ritohme oya, onyrityã kurã osenuruhkatohme mana. Ahno nyriry enẽko mase emero porehme, toto epehmãko mase inyrityãkõ emetakame, emero porehme.

Tanieu 5:23

Mãpyra osepeme pyra mexino Kapu Esemy a. Ikyryry tõ uuru risemy, kopu tõ, Itapyĩ tae tanỹse aexityã, tonehpose oya eukuru jehnahpyry ẽtohme, omoro, oeahmananõ maro, tuisa tomo te, ipyxiamo, imehnõ nohpo tõ maro, enara. Moro motye roropa imehnõ neponãmarykõ eahmãko mexiatose parata risemy te, uuru risemy, metau risemy, kurimene risemy te, wewe risemy, topu risemy, tonure pyra exiketomo, otato pyra exiketomo, zuaro pyra ipunaka exiketomo. Yrome Ritonõpo Imehxo Exikety oneahmara mekurehno, tyjamitunuru ke ahno etapãko mana ise tahtao, ipoe isene roropa sytatose. Emero opoko ehtoh menekãko mana.

João 1:48

— Otãto puhkoke juaro mano? tykase Natanaeu Jezu a. — Pake ro oenẽko akene, wikeira zopino ro awahtao. Moeroro awahtao oenẽko akene okohmara ro Piripe ahtao. Moroto wikeira zopino makene, tykase Jezu eya.

Epereu 4:13

Otonẽsaromepyra sytatose kuenepyra xine Ritonõpo ehtohme. Tynyrityã emero porehme enẽko Ritonõpo mana. Kuykuytorykõ enẽko mana kuosenetupuhtohkõ roropa enẽko mana. Mame imeĩpo Ritonõpo ẽpataka ytõko sytatose emero porehme. Toiroro Ritonõpo ẽpataka osekarõko sytatose kynyrityãkõ poko. Naeroro kytamurukõ ehtopõpyry sã pyra sehtone, Ritonõpo onenetupuhpynõ ehtopõpyry sã pyra. Aomipona sehtone ekurehpyra kuehtohkõme kuomomyrykõ poko Ritonõpo esaka.