Jo 31:18 - Ritonõpo Omiry: A Bíblia Sagrada na língua Aparai do Brasil

¹⁸ Toto pyno exiase ypoenõ pyno jehtoh samo, pytỹpo tõ towomase roropa ya nexiase.

Jo 31:18 ပူးပေါင်းရင်းမြစ်များ

2 Tuisa 14:9

Yrome tuisa Jeoa a tozuhse ynororo, ynara tykase: — Omoxino nexiase ypy tõ Ripano po. Mame moro omoxino a omi tonyohse Apupari a, ynara ãko: “Oẽxiry ekaroko umũkuru a ipytyme.” Yrome onokyro toytose moro kuroko, moro omoxino tytũtũmase eya.

Exite 2:7

Morarame tõxiryme Hatasa tarose Moatekai a, esety akorõ Exite, poeto nupunato, oryximehxo exikety roropa. Jũkõ toorihse kynexine, morara exiryke tõxiryme mokyro tyrise eya zuãtanohtohme tytapyĩ tao.

Jo 22:9

Poetõpo tõ winoino ijamitunuru tomatonanohse oya, pytỹpo tõ anakorehmara mexiase ipunaka.

Jo 29:12

Tymõkomokãkara takorehmase ya takorehmarykõ se exiketomo, poetõpo tõ pyno exiase, towomaneke pyra exiketomo.

Jo 29:16

Jũme exiase tymõkomokãkara a; ewomaneme exiase imehnõ nonory poe aepyhpyamo a.

Jo 31:17

Toiroro otuhpyra exiase, tonahsẽ ekaroase poetõpome aexityamo a.

Jo 31:19

Ahno eneryhtao ya orihnõko, kuenime toehse exiryke, tupoke pyra axitunety ke exiryke, imepỹ tytineruke pyra exikety tonese ahtao ya tãtyke pyra,

Izaja 58:7

Anapyrykõ apiakatoko ekarotohme omise exiketomo a, osa ekarotoko atapyĩkõ tao tytapyĩke pyra exiketomo a, upo ekarotoko tupoke pyra exiketomo a, oekyry tõ roropa akorehmatoko.