Jo 30:8 - Ritonõpo Omiry: A Bíblia Sagrada na língua Aparai do Brasil

⁸ Popyra exiketomo, tosehke pyra, tynonory poe taropose toto.

Jo 30:8 ပူးပေါင်းရင်းမြစ်များ

2 Tuisa 8:18

Ipyty Akape ẽxiry kynexine. Mame Akape tõ ehtopõpyry sã popyra nexiase, imehnõ Izyraeu tõ tuisary tõ ehtopõpyry sã roropa. Ritonõpo omihpyry omipona pyra nexiase.

2 Tuisa 8:27

Oxiekyryme Akazia exiryke tuisa Akape maro, typytase jũ exiryke Akape ẽxiry maro, tyyrypyry poko toehse ynororo Akape tõ ehtopõpyry samo.

2 Koronika 22:3

Jeny Ataria kynexine, tuisa Akape ẽxiry, tuisa Oniri pary, Izyraeu tuisaryme exiketomo. Zae pyra tamorepase Akazia jeny a, naeroro azahkuru inyriry kynexine Akape tõ nyrityã samo.

Jo 30:7

Itu htao kui tykase toto onokyro tõ samo, itu zopikoxi toytose toto oximõme.

Jo 30:9

“Yrome seromaroro jeunohnõko ipoenõ mã toto toremiarykõ ke. Inypoihtorykõme rokẽ ase.

Jo 40:4

“Otara ãko ywy? Oezuhsaromepyra ase. Kurehxo mynyhme rokẽ jexiry.

Saumu 15:4

Kure rokẽ Ritonõpo omipona exiketõ rĩko mana, tõmihpyry anamonohpyra exiketyme mana tyriry tupime toehse ahtao ro, yrome popyra exiketõ se pyra mã ynororo ipunaka.

Saumu 35:15

Yrome tyhtomase jahtao, mokaro tãkye toehse mã toto, oximõme tooehse toh nexiase jomye, jeunohtohme. Typipohse exiase imehnomo a, zuaro pyra exiketomo a, tapurose ywy eya xine toiro rokẽ pyra.

Porowepio 1:22

— Tuaro pyra exiketomo! Otara ahtao rowohpe oehtohkõ rumekãko matou? Otara ahtao ãtahmãkarykõ tuaro ehtoh poko rumekãko matou? Jũme tuaro oexirykõ se pyra hmatou?

Porowepio 1:7

Tuaro exiketyme se awahtao osemazuhme Ritonõpo enetupuhko Oesẽme. Tuaro pyra exiketõ zae ehtoh poko etary se hkopyra mã toto.

Porowepio 16:22

Tuaro ehtoh iporiry enatyry sã mana isene ehtoh ekarõko tuaro exiketomo a, yrome tuaro pyra exiketõ zupokary ikurãkatohme toiparo rokẽ mana.

Izaja 32:6

Ynara exiryke: putuhtome exikety ajohpe oturũko mana. Tahxime osenetupuhnõko mana popyra ehtoh riry poko. Inekarory Ritonõpo poko ajohpe rokẽ mana; inyriry roropa Ritonõpo zamaro pyra mana: omise exiketomo a tonahsẽ onekaropyra mana, tutunazehnase exiketomo a tuna onekaropyra roropa mana.

Jeremia 7:18

Apotopokõ enehnõko poetohti, apoto zukãko orutua komo, wyi panõ ekeĩko nohpo tomo ekarotohme tynekaroryme tyneponãmarykõ nohpome exikety a esety “Nohpo Imehxo Kapu Esemy”. Eukuru kuãnõko roropa mã toto tynekarorykõme imehnõ typonãmarykomo a. Moro sã mã toto jyhtomatohme, toto zehno jehtohme.

Naum 3:6

Popyra exiketyme sã orĩko ase, xikurome ehtoh emãko ase opona; oenekehpyra exĩko tuhkãkõ mana, osenuruhkãko mã toto, enaromỹke.

Mateu 20:19

Mame jekarõko mã toto imehnomo a, juteutõkara a. Mame tounohse jahtao eya xine, ypiypipohnõko mã toto. Mame wewe pokona jexixihmapõko mã toto. Orihnõko ase. Yrome oseruao tõmehse ahtao jẽsemãkapõko ropa Papa mana, tykase Jezu eya xine.

Maku 6:24

Mame morara kary etaxĩpo tyya toytose nohpo oturupose tyse a: — Oty se ãkohxo ke ha aja Erote a, tykase ynororo tõturupose tyse a. Mame ynara tykase jeny eya: — “Ahno ẽpurihkane zupuhpyry se rokẽ ase,” kaxiko eya, tykase jeny tõxiry a.