Jo 30:27 - Ritonõpo Omiry: A Bíblia Sagrada na língua Aparai do Brasil

²⁷ “Torẽtyke ase jetuhxo jexiryke, oseremasaromepyra ase; kokoro rokẽ etuarimãko ase.

Jo 30:27 ပူးပေါင်းရင်းမြစ်များ

Saumu 22:4

Typynanohnekõme, tonetupuhse omoro yna tamuru tomo a; omoro tonetupuhse eya xine, oya typynanohse toto.

Saumu 38:8

Jamihme pyra ase ipunaka, taomipohtomase ywy; torẽtyke ase ukurohtao, pusuh ãko ase sam karyke ya.

Exutu 8:20

Ynara tykase Ritonõpo Moeze a: — Kokoro pakeimo, tuisa ytoryhtao nakuataka ytoko eya oturuse. Kaxiko eya, ynara ãko Ritonõpo oya: “Ah ypoetory tõ nytõ toto Ejitu nonory poe, jeahmase.

Jeremia 31:20

“Izyraeu tomo, amarokõ matose umũkurume nupunato, opyno xinehxo ase ipunaka. Oesehtoryhtao ya opoko osenetupuhnõko ase, opyno jexiryke. Ukurohtao oeahmary se ase, awãnohpyra exĩko ase rahkene. Ywy Ritonõpo oturuno.

Jeremia 4:19

Sam ãko ase! Emynyhmãko ase ipunaka ukurohtao! Ukurohtao jeano tahtah ãko jamihme sã mana! Mynyhme ehsaromepyra ase. Rue totase ya exiryke, kui kui katoh tonõ roropa etonatoh poko.

Ramẽtasão 1:20

“Eneko ke, Ritonõpo, sam katoh ya, emynyhmãko ase yronymyryme! Xitãko ase ukurohtao yyrypyry poko, õmiry omipona pyra toehse jexiryke. Imehnõ etapãko mã toto jarao, osema tõ ao. Tapyi tao roropa orihnõko mã toto.

Ramẽtasão 2:11

Jenuru tõ osenuhmara nase kehko yxity ke; ukurohtao torẽtyke ase. Jemynyhmaryke tapotũkehse ywy wekyry tõ tonahkase exiryke. Poetohti tõ pisarara enẽko ase orihnõko omise konõto toexirykõke pata esemary tõ ae.