Jo 30:15 - Ritonõpo Omiry: A Bíblia Sagrada na língua Aparai do Brasil

¹⁵ Tonaroxitapãse ywy. Ime jehtopõpyry tonahse, tarose sã tyryrykane a. Tymõkomoke jehtopõpyry tonahse akuru ehtopõpyry samo.

Jo 30:15 ပူးပေါင်းရင်းမြစ်များ

Jo 10:16

Jupuhpyry anymyryhtao ya, epyrypary zae rokẽ jehtoh poko, omoro, reão samo, jekahmãko mase; ajamitunuru enepõko mase yyryhmatohme.

Jo 3:25

Popyra ehtoh zuno jehtopõpyry toehse ya. Enaromỹke jehtopõpyry a tapoise ywy.

Jo 30:14

Japurũ tõ tahkatopõpyry ae omõnõko mã toto. Patãpo rãnao pohkane konõto sã osemãko mã toto ypona.

Jo 31:23

Morohne onyripitopyra exiase juãnopyry Ritonõpo a zuno jexiryke, ytosaromepyra exiase mokyro Imehxo Exikety ẽpataka.

Jo 6:4

Ritonõpo Jamihmehxo Exikety pyre ke tuose ywy, opi orihmatõ ke topinohse toto. Juzenu aka moro opi omõnõko mana. Tõsetaparyke ymaro tonaroximase ywy Ritonõpo a.

Jo 7:14

jerehnõko mase josenehtoh ke, josenehkary ke jenaroximãko mase.

Jo 7:9

“Akurũ samo osenepyra toehse ahtao, moro sã ahno orihnõko mana, ytõko aorihtyã tõ esaka oehpyra ropa ehtohme jũme.

Saumu 55:3

Jerehnõko jepetõkara jenaroximaryhtao eya xine; yyryhmaryhtao popyra exiketomo a jakurihmõko mã toto. Popyra ehtoh enehpõko mã toto ypona; yzehno mã toto, yse pyra mã toto ipunaka.

Saumu 88:15

Poetome jehtopõpyry poe toetuarimase ywy, jorikyry ameke pyra nexiase; tapotũkehse ywy, omoxĩ sã juãnohtoh oya mana.

Saumu 88:16

Zehno oehtoh ypona toehse pohkane konõto samo; japoijapoiry ke jenahkãko mase.

Izaja 44:22

Popyra oehtohkõ ykorokase, oorypyrykõ roropa emero; osenepyra toehse mã kehko akurũ esahpyry samo. Osehtoko ropa ya Opynanohneme jexiryke.”

Ozeja 13:3

Morara exiryke mokaro osenepyra exĩko mã toto, akurũ samo ẽmepyryhtao, xixi tũtaryhtao, konopo akoĩpyry sã onahpoty po, axĩ tonore exĩko, tiriiku pihpyry sã aroryhtao tyryrykane a, orexĩto sã roropa tõnuhse ahtao.

Ozeja 6:4

Yrome ynara ãko Ritonõpo mana, toto ezuhnõko: — Otara tyrĩko ha opoko xine, Izyraeu tomo? Amarokõ roropa, Juta tomo, oty rĩko ywy opoko xine? Ypyno oehtohkõ axĩtao rokẽ mana akurũ samo ẽmepyryhtao. Konopo pitiko samo otyro poko, xixi tõnuhse ahtao axĩ anorỹko mana.