Jo 30:10 - Ritonõpo Omiry: A Bíblia Sagrada na língua Aparai do Brasil

¹⁰ Nuriame rokẽ ase eya xine. Ameke rokẽ exĩko mã toto ywino. Oehnõko mã toto ituh kase jẽmyty pona.

Jo 30:10 ပူးပေါင်းရင်းမြစ်များ

Jo 17:6

Moro omihpyry ekarõko mã ahno tomo ya, mame ituh ãko mã toto jẽmyty pona.

Jo 19:19

Jepe tõ mã yse pyra ipunaka, imehnõ pyno exiase repe, yrome jepeme pyra toehse mã toto.

Jo 42:6

Morara exiryke ehxirõko ase joturutopõpyry poko emero. Yyrypyry tõ ekarõko ase oya, taro typorohse jahtao nono pona, oruno htao.”

Saumu 88:8

Turumekapose ywy oya jepe tomo a, nuriame exiketyme jenẽko mã toto. Ãpuruhpyry tao exiketyme sã ase, epasaromepyra ase.

Porowepio 19:7

Tymõkomoke pyra exikety ekyry tõ ameke se rokẽ mã toto ewino, mokaro motye epe tõ imaro se pyra mã toto. Tope tõ zupĩko mã ynororo repe, yrome ise nymyry pyra mã toto.

Izaja 50:6

Ỹpary ekaroase jypipohnanomo a, jẽmyty ekaroase otypo mukanomo a. Otonẽpyra exiase typoihtose jahtao eya xine, ituh tykase toto ahtao, jẽmyty pona.

Ramẽtasão 3:30

Typoihtose kuahtao xine onezuhpyra sehtone, kueunopyrykõ seanahtotone rokene.

Ramẽtasão 3:46

“Yna eunohnõko mã toto yna epetõkara, emero.

Zakaria 11:8

Typenekehse exiase imehnõ kaneru pyno exiketõ poko. Toiro nuno ae oseruao kaneru poko erohketõ aropoase, toto se pyra toehse jexiryke. Yse pyra toehse roropa toh nexiase.

Numeru 12:14

Ynara tykase Ritonõpo Moeze a: — Jumy ituh tykase ahtao ẽmyty pona, toehxirose ynororo exiry 7me ẽmepyry. Naeroro ah ynororo taroposẽme nexino owinoino xine 7me ẽmepyry. Imeĩpo enehko ropa.

Mateu 26:56

Yrome serohne exĩko mana urutõ kõ omihpyry ae ro, tykase Jezu eya xine. Morarame ipoetory tõ toepase toto. Jezu turumekase eya xine.

Mateu 26:67

Mame ituh tykase toto Jezu ẽmyty pona. Typitypipohse roropa toto a. Mame tomarykõ ke Jezu totapase tyya xine ahtao,

Mateu 27:30

Mame ituh tykase toto epona, totakurukõ xihpyry ke. Mame mara pitiko tapoise ropa eya xine ipipohtohme tyya xine zupuhpyry pokona.

Teuteronomiu 25:9

irui pytỹpyry oehnõko eya tuisa tõ neneryme, isãtajã toiro oũko mana ipupuru wino, ituh ãko mana ẽmyty pona. Mame ynara ãko mana: “Ynara tyrisẽme exĩko orutua a turui pytỹpyry maro emũkuara ahtao turui mũkurume Izyraeu nonory po.”