Jo 29:20 - Ritonõpo Omiry: A Bíblia Sagrada na língua Aparai do Brasil

²⁰ Kure rokẽ jekãtõko imehnõ mana, ywy jamihme exikehpyra exĩko ase, orẽpyra exiketyme roropa.’

Jo 29:20 ပူးပေါင်းရင်းမြစ်များ

Jenexi 45:13

— Papa zurutoko tuisamehxo jehtoh poko taro Ejitu po. Zurutoko emero onenehpyrykõ poko. Axĩ ke ytotoko papa tõ enehse xiaro.

Jenexi 49:24

Yrome poremãpyra mana. Ipyre jamihme emary po mana. Aporykõ jamihme ro tyjamihtanohse Ritonõpo a, jamihme Exikety a, Jako Esemy a; Esety Topuimo, Izyraeu Ewomane.

Jo 19:9

Ymõkomory emero tupuxihkase eya, ime jehtopõpyry tonahkase roropa eya.

Jo 29:14

Zae rokẽ exiase imehnõ poko, ajohpe pyra roropa exiase. Upo amururu sã torẽnase exiase zae rokẽ imehnõ riry poko.

Saumu 103:5

Inyriry ya yzamaro mana kure rokẽ exiryke, jamihme jyrĩko ropa mana nuasemã sã jehtohme, piano sã jehtohme.

Saumu 18:34

Osetapary poko jamorepãko mana taky tũporemã, jamihmehxo exikety kyryry, kenãpatohme ya.

Saumu 3:3

Yrome omoro, Ritonõpo, jewomãko mase osewomatoh samo. Orẽpyra jyrĩko mase, imehnõ zuno pyra jyrĩko ropa mase.

Izaja 40:31

Yrome Ritonõpo enetupuhnanõ mã jamihme exĩko ropa. Onuhnõko mã toto kakoxi piano tõ samo; tururume ytõko mã toto yrome apotũkehpyra exĩko; pupu po ytoytõko mã toto, mame etaehpyra exĩko.

2 Korĩtiu 4:16

Morara exiryke poremãpyra ynanase Ritonõpo omiry ekarory poko. Yna zoko osenahkaryhtao ro, yna kurohtao yna jamihtanohnõko ropa Ritonõpo mana kokoro rokene.