Jo 29:16 - Ritonõpo Omiry: A Bíblia Sagrada na língua Aparai do Brasil

¹⁶ Jũme exiase tymõkomokãkara a; ewomaneme exiase imehnõ nonory poe aepyhpyamo a.

Jo 29:16 ပူးပေါင်းရင်းမြစ်များ

Jenexi 39:19

Mame typyty omiry etaryke tyya tyekĩtapãse Joze esemy.

2 Samueu 14:8

Mame ynara tykase Tawi nohpo a: — Atapyĩ taka ytoko ropa. Tyripotoh rĩko ase ãkorehmatohme moro poko, tykase.

Exite 2:7

Morarame tõxiryme Hatasa tarose Moatekai a, esety akorõ Exite, poeto nupunato, oryximehxo exikety roropa. Jũkõ toorihse kynexine, morara exiryke tõxiryme mokyro tyrise eya zuãtanohtohme tytapyĩ tao.

Jo 24:4

Tymõkomokãkara onewomara mã toto, toto anakorehmara mã toto zae ehtoh apoitohme eya xine. Tytineruke pyra exiketõ erehnõko mã toto, tururume toto ytotohme, otonẽtohme.

Jo 30:25

Otarame xitara exiase imehnõ etuarimaketõ maro? Otarame tytineruke pyra exiketõ pyno nymyry pyra exiahse?

Jo 31:18

Toto pyno exiase ypoenõ pyno jehtoh samo, pytỹpo tõ towomase roropa ya nexiase.

Jo 31:31

“Ypoetory tõ zuaro mã toto imehnõ toahmase ya, kure tõtuhse toto tõsẽ kurano ynekarohpyry eya xine.

Jo 31:32

Imepỹ nono poe aepyhpyã jarao onynomopyra exiase osema tao ẽmehtohme, osa ekaroase eya xine nyhtohme ytapyĩ tao.

Jo 4:3

Tuhkãkõ tamorepase oya. Ahno tõ tuhke takorehmase roropa oya tapotũkehse toto ahtao.

Saumu 68:5

Poetõpo tõ pynanohnõko Ritonõpo mana, Tytapyĩ kurã tao isene exikety, pytỹpo tõ ewomãko roropa mana.

Exutu 18:26

Toerohse toto imehnõ akorehmary poko atae pyra toto ahtao tupimãkõkara topohmãko. Yrome tupimãkõ tarose Moeze a.

Porowepio 25:2

Ritonõpo imehxo ehtoh enetupuhnõko sytatose tuaro ehtoh zonẽtopõpyryke eya kywino xine. Kutuisarykõ imehxo ehtoh ekarõko sytatose tupime ehtoh poko tãtamorepatohkõke eya xine tuaro ehtohme.

Porowepio 29:7

Zae ehtoh poko exikety osenetupuhnõko mana tymõkomokãkara ewomary poko, yrome popyra exiketõ mokaro poko osenetupuhpyra mã toto.

Izaja 22:21

oupõ kurã ke mokyro zupohtopõko ase tuisa tapyĩ poko erohketõ tuisary zupõ ke. Ometỹ eary ekarõko ase eya, mame tuisame mokyro rĩko ase oehtopõpyry samo. Papame Eriakĩ exĩko Jerusarẽ põkomo a porehme, Juta tomo a roropa.

Epezu 5:1

Ritonõpo poenõme oexirykõke, ipoenohtoko. Opyno xine roropa Ritonõpo exiryke ipoenohtoko, isã oehtohkõme.

Teuteronomiu 13:14

Mame moro enetoko tomeseke samo zuaro oehtohkõme. Zuaro nymyry awahtao xine, ajohpe pyra iirypyryme toh toehse Izyraeu tõ rãnao,

Tiaku 1:27

Ynara rokẽ kure mana Kumykomo a, Ritonõpo a: poetõpo tõ pyno kuahtao xine, pytỹpo tõ etuarimaketõ pyno kuahtao xine, kyyrypyrykõ poko pyra kuahtao xine; morara kuahtao xine, kure sytatose Ritonõpo a.