Jo 29:12 - Ritonõpo Omiry: A Bíblia Sagrada na língua Aparai do Brasil

¹² Tymõkomokãkara takorehmase ya takorehmarykõ se exiketomo, poetõpo tõ pyno exiase, towomaneke pyra exiketomo.

Jo 29:12 ပူးပေါင်းရင်းမြစ်များ

Jo 24:4

Tymõkomokãkara onewomara mã toto, toto anakorehmara mã toto zae ehtoh apoitohme eya xine. Tytineruke pyra exiketõ erehnõko mã toto, tururume toto ytotohme, otonẽtohme.

Jo 24:9

Poetõpo tõ pitiko apoĩko popyra exiketõ mana, tynamotome toto ritohme. Tymõkomokãkara poenõ apoĩko roropa mã toto jũkõ nepehmary epehpyryme.

Jo 30:25

Otarame xitara exiase imehnõ etuarimaketõ maro? Otarame tytineruke pyra exiketõ pyno nymyry pyra exiahse?

Jo 31:17

Toiroro otuhpyra exiase, tonahsẽ ekaroase poetõpome aexityamo a.

Jo 31:18

Toto pyno exiase ypoenõ pyno jehtoh samo, pytỹpo tõ towomase roropa ya nexiase.

Jo 31:21

Poetõpo tyyryhmase ahtao ya takorehmase jahtao juize tomo a,

Jo 34:28

Tymõkomokãkara kui tykamexipose eya xine Ritonõpo netaryme, aomirykõ totase eya, tykohmary takorehmatohkõme.

Saumu 68:5

Poetõpo tõ pynanohnõko Ritonõpo mana, Tytapyĩ kurã tao isene exikety, pytỹpo tõ ewomãko roropa mana.

Saumu 72:12

Tymõkomokãkara pynanohnõko mana: “Kuakorehmako ajohpãme samo,” karyhtao eya xine; tytineruke pyra exiketõ maro, turumekase exiketõ roropa.

Saumu 88:4

Imehnõ orihsasaka exiketõ sã ase; tapotũkehse exikety sã ase.

Porowepio 21:13

Tymõkomokãkara omiry etary se pyra ahno ahtao takorehmatoh ekaroporyhtao eya, mokyro roropa takorehmatoh se exĩko repe, yrome aomiry onetara roropa imehnõ exĩko mana.

Porowepio 31:8

Oturuko osewomasaromepyra exiketõ omiryme. Takorehmaneke pyra exiketõ ewomako, etuarimaketomo emero porehme.

Jeremia 22:16

Zae rokẽ nexiase tymõkomokãkara poko, etuarimaketõ poko roropa, naeroro emero kure toehse eya. Moro riryhtao ahno a enetupuhnõko mase, juaro mokyro mana. Ywy, Ritonõpo, oturũko ase.

Teuteronomiu 10:18

Poetõpo tõ ewomãko mana, pytỹpo tõ roropa. Imehnõ nono põkõ pyno mana tõsesarise exiketõ kymaro xine. Tonahsẽ ekarõko eya xine mana, upo roropa.

Tiaku 1:27

Ynara rokẽ kure mana Kumykomo a, Ritonõpo a: poetõpo tõ pyno kuahtao xine, pytỹpo tõ etuarimaketõ pyno kuahtao xine, kyyrypyrykõ poko pyra kuahtao xine; morara kuahtao xine, kure sytatose Ritonõpo a.