Jo 28:17 - Ritonõpo Omiry: A Bíblia Sagrada na língua Aparai do Brasil

¹⁷ Uuru motye tuaro ehtoh kure mana, kutehi kurã motye roropa. Uuru risẽ kurano ipune pyra mana tuaro ehtoh epehmatohme.

Jo 28:17 ပူးပေါင်းရင်းမြစ်များ

Jo 28:16

Uuru kurã motye mana, topu kurã motye roropa typyne tuaro ehtoh mana, akata te, sapira tomo, enara.

Porowepio 16:16

Tuaro ehtoh nae awahtao uuru motye kure mana; tuaro oehtoh parata motye mana.

Porowepio 25:12

Otato ahno ahtao tuaro se toexiryke, tuaro exikety namorepary kure kuhse mana, omahtao uuru risẽ motye te, õkyry uuru kurã risẽ motye roropa mana.

Porowepio 8:10

Otato exiko ãmorepatoh poko ya; parata se hkopyra exiko. Zuaro ehtoh sehxo exiko; uuru kurã se hkopyra exiko.

Ezekieu 1:22

Mokaro onokyro tõ zupuhpyry epoe amerehme sã nexiase, kutehi zemime exikety samo saereh ãko.

Apokaripxi 21:11

Saereme nexiase, Ritonõpo ezuru ke. Zemime sã nexiase osene tuhkã samo, topu kurã typyne exikety jasape samo, kyrixtau akusasame exikety samo.

Apokaripxi 22:1

Morarame Ritonõpo nenyokyhpyry iporiry panõ enepoase ya, orihpyra ehtopo, zemizemikane, akusasame exikety. Moro tuna Ritonõpo apõ poe tũtãko mana kaneru mũkuru apõ poe.

Apokaripxi 4:6

Moroto tuisa apõ etonie ikuhpo konõto panõ nexiase, kutehi akusasamã panono. Akusasame kuhse nexiase. Tuisa apõ myhto isene exiketõ nexiase asakoropane. Tonure tuhke toh nexiase, ẽmytykõ poko, ĩparykõ poko, enara.