Jo 27:5 - Ritonõpo Omiry: A Bíblia Sagrada na língua Aparai do Brasil

⁵ ‘Zae mexiatose jyhxiroryhtao,’ kara ase jũme. Isene ro jahtao, zae rokẽ jehtoh poko kakehpyra ase.

Jo 27:5 ပူးပေါင်းရင်းမြစ်များ

Jo 13:15

Typenekehse ywy kure ehtoh eraximary poko, naeroro Ritonõpo jetaparyhtao, enetupuhnõko ro ase Jesẽme, zae jehtoh ekarõko ase ẽpataka.

Jo 17:9

Zae exiketyme osekaroketõ mokaro, tamuximehxo exiketomo, orẽpyrahxo zae ehtoh poko exikehpyra mã toto. Nuriame ehtoh poko pyra exiketõme, orẽpyrahxo zae exiketõme osekarõko mã toto.

Jo 2:3

Mame ynara tykase Ritonõpo: — Ypoetory Jo meneno? Moro nono po imepỹ pyra mana Jo panono. Zae exiketyme mana. Ajohpe pyra exiketyme, jeahmaneme roropa mana. Zae pyra ehtoh poko pyra mã ynororo ipunaka. Õmiry omi poe onewomara toehse ywy, iiryhmatohme oya, zae aexiry kuhtohme oya repe. Oerekohmara ynororo ahtao ro tyyryhmase ynororo oya. Morara ahtao ro zae ro exiketyme mana, ajohpe pyra ipunaka, tykase Ritonõpo joroko tamuru a.

Jo 2:9

Morara ahtao ynara tykase ipyty eya: — Zae ehtoh poko roh mah? Popyra Ritonõpo tyriko oorihtohme, tykase ipyty.

Jo 29:14

Zae rokẽ exiase imehnõ poko, ajohpe pyra roropa exiase. Upo amururu sã torẽnase exiase zae rokẽ imehnõ riry poko.

Jo 31:6

Jukukuru se ase Ritonõpo a ikuhtoh ajohpe pyra exikety ke. Zae rokẽ jehtoh enẽko mana.

Jo 31:7

“Zae ehtoh poko turumekase ahtao ya, iirypyryme jehtoh poko typenetase jahtao imepỹ kyryry tapoise ahtao ya,

Jo 32:1

Zae rokẽ toehtoh poko oturukehpyra Jo nexiase. Morara exiryke epe tõ oseruaõkõ tõturukehse toto, onezuhpyra toehse toh nexiase.

Jo 32:2

Yrome moroto imepỹ orutua nexiase, esety Eriu, Parakeu mũkuru, Puze ekyry, Rão ekyryme roropa. Tohne toehse Eriu nexiase Jo poko, zae rokẽ tõsekarose ynororo exiryke, zaẽkara sã Ritonõpo ekaroryke roropa eya.

Jo 32:3

Mokaro roropa, Jo epe tõ oseruaõkõ zehno roropa nexiase, Jo onezuhsaromepyra toto exiryke. Morara exiryke zae pyra Ritonõpo tokarose sã eya xine.

Jo 33:9

‘Iirypyryme pyra ase, popyra ehtoh poko pyra jexiryke ipunaka. Zae rokẽ ase; azahkuru pyra ipunaka

Jo 42:7

Mame tõturukehse Ritonõpo ahtao Jo maro tõturuse ynororo Eripaze maro, Temã pono. Ynara tykase eya: — Tohne ase opoko oepe tõ asakoro natokõ maro, zae pyra tõturuse oexirykõke ypoko, ypoetory Jo sã pyra.

Jo 6:29

Epo hnae õtururukomo. Ajohpe pyra ehtoko. ‘Popyra mase,’ kara ehtoko ya; zae jexiryke.

Porowepio 17:15

Asakoro ehtoh se pyra Ritonõpo mana ipunaka: ahno kurã ekaroryhtao popyra te, popyra exiketõ onuãnohpyra roropa kure ekaroryke.

2 Korĩtiu 1:12

Tãkye ynanase zuaro yna exiryke zae yna ehtoh poko sero nono po. Amaro xine zae kuhse yna ehtopõpyry poko tãkye ynanase roropa. Topohme yna otururu nexiase amaro xine, zae se yna exiryke amaro xine. Ritonõpo jamitunuru poe morara ynanexiase, kypyno xine Ritonõpo exiryke, yna tuarõnory ke pyra.

Karaxia 2:11

Moromeĩpo Ãtiokia pona Peturu tooehse ahtao, tutuarõmase ya jarao, azahkuru exiryke.

Teuteronomiu 25:1

— Asakoro Izyraeume exiketõ atae pyra ahtao moro atae pyra ehtoh arotoko juize ẽpataka apiakatohme. Toiro ekaroryhtao zae exiketyme zakorõ zae pyra ekarõko mana.