Jo 27:20 - Ritonõpo Omiry: A Bíblia Sagrada na língua Aparai do Brasil

²⁰ Popyra ehtoh mokyro pona oehnõko mana tuna zueme exikety samo. Koko tarosẽme exĩko mana tyryrykane konõto a.

Jo 27:20 ပူးပေါင်းရင်းမြစ်များ

2 Tuisa 19:35

Mame moro kohmamyry ae ro Ritonõpo nenyokyhpyry toytose Axiria esẽ poetory tõ poko. Soutatu tõ taorihmapose eya 185 miumãkomo. Mame imehnõ typakase ahtao aorihtyã ekepyry rokẽ tonese eya xine.

Jo 15:21

Panaikatõ etaryhtao oserehnõko mana; tõsewomase osekarõko mana, moro ae ro omato tõ oehnõko osetapase imaro.

Jo 18:11

Popyra ehtoh toto zomye toto enaroximãko, toto ekahmãko roropa aytorykohtao.

Jo 20:23

“Ah notuhno tuesapare ehtohme! Mokyro zehno toehtoh ke mokyro wãnohnõko Ritonõpo mana; konopo sã mokyro zehno Ritonõpo ehtoh oehnõko mana epona.

Jo 20:8

Osenehto sã osenepyra exĩko ropa mana, koko osenehtopõpo sã, jũme onenepyra ehtohme.

Jo 21:18

Otara ahtao popyra exiketõ typahse Ritonõpo a tiriiku akumuru samo, tiriiku pihpyry sã roropa tarose ahtao tyryrykane a?

Jo 22:16

Mõtoino rokẽ toorihse toh nexiase, tarose samo tuna zueme exikety a.

Jo 24:18

“Popyra exiketõ tarosẽme exĩko mana tuna zueme exikety a. Popyra inonorykõ ripõko Ritonõpo mana, oehpyra ropa mã toto tutupikõ pona erohse uwa tõ poko.

Jo 34:20

Ahno orikyry otarame oehnõko mõtoino rokene, otarame onoa. Eano mynyhpãnõko mana, mame orihnõko mokyro mana. Takorehmane se pyra Ritonõpo mana tuisame exiketõ etapatohme.

Saumu 18:4

Tapurupose exiase, joorihmatoh ke; zue sã konõto, yyryhmatoh nexiase, typoremãkapose ywy.

Saumu 83:16

Ritonõpo yna Esemy, mokaro tyripoko aehxirotyã samo, ajamitunuru enetupuhpotohme eya xine!

Saumu 90:5

Yna arõko mase tuna zueme ehtoh samo, osenehtopõpo sã axĩtao rokẽ ynanase. Ãtarykahmã sã ynanase, ẽmepyry exipitory samo,

Exutu 12:29

Onoa Ejitu põkõ mũkuru tõ osemazuhme aenurutyã totapase Ritonõpo a emero tapyi tao; tuisa mũkuru osemazupu tumy myakãme exikety poe, ãpuruhpyry tao exikety mũkuru pona, okyno poenõ roropa totapase eya.

Tanieu 5:30

Moro kohmamyry ae ro Peusazaa, Papironia põkõ tuisary totapase.

Jona 2:3

Kuemase zue konõto kuaka, tuna konõto kurohtaka. Moroto tuna a toworise ywy emero porehme. Pohkane jamihme exiketõ, okyryry emero toytose jupuhpyry epozakuroko.