Jo 27:19 - Ritonõpo Omiry: A Bíblia Sagrada na língua Aparai do Brasil

¹⁹ Etyhpyryme ataxikãko mokyro mana itamurume tineru esẽme mã repe, yrome typakase ropa ynororo ahtao pake itinerũ tõtuenikase.

Jo 27:19 ပူးပေါင်းရင်းမြစ်များ

Jenexi 49:10

Juta tuisame exĩko mana. Ipakomotyã tuisame exikehpyra mana. Imehnõ ahno tynekarory enehnõko eya. Aomipona exĩko imehnõ nonory põkõ mana.

Jo 14:10

Yrome ahno toorihse ahtao, arypyra exĩko mana; orihnõko exino mana, mame otara exĩko nae?

Jo 20:5

Popyra exiketõ axĩtao rokẽ tãkye exĩko mã toto. Okynã pyra tãkye toto ehtoh enahnõko ropa mana.

Jo 21:30

Ynara ekarõko mã toto: ‘Tohne toehse Ritonõpo ahtao, mame ahno tuãnohse ahtao eya, popyra exikety epãko mana; typynanohsẽme exĩko mana.

Jo 24:24

Axĩtao rokẽ orẽpyra exĩko popyra exiketõ mana. Mame axĩ sã aremãnõko mã toto onahpoty samo, tiriiku sã roropa tysahkase ahtao.

Jo 30:23

Jarõko mase aorihtyã esaka, zuaro ase. Morotona isene exiketõ ytõko mã toto emero porehme.

Jo 7:21

Oty katohme yyrypyry onykorokara mah, popyra jehtopõpyry onukurikara mah? Okynã pyra tonẽsẽme exĩko ase nono aka; jupiryhtao jenepyra exĩko mase, arypyra jexiryke.”

Jo 7:8

Jenẽko mase seromaroro, yrome zomory jenekehnõko mase. Jupĩko mase repe, yrome ywy tonahse.

Jo 8:22

Yrome ozehno exiketõ otupĩko mã toto. Popyra exiketõ tapyĩ tõ osenahkãko mana.”

Saumu 58:9

Tuaro pyra ro toto ahtao, mokaro popyra exiketõ ãtarykahmã sã tysahkasẽme exĩko mã toto; isene ro toto ahtao, mokaro zehno toexiryke, toto aropõko Ritonõpo mana tyryrykane ke.

Porowepio 23:4

Emotyẽkara exiko oerokuru poko tuhke tineru apoitohme oya,

Porowepio 23:5

torẽtyke pyra exiko roropa moro poko. Tarame otinerũ axĩ enahnõko mana taporihke toehse exikety samo mya ytotohme piano samo.

Jeremia 8:2

Jehpyrykõ typahsẽme exĩko sapararahme xixi zopino, nuno roropa, xirikuato zopino roropa. Morohne sehxo toh nexiase, tynekarorykõ tonehse eya xine, imeĩpo ehtoh poko tõturupose toto a eya xine, toahmase toto eya xine. Jehpyry tõ ananỹpyra exĩko mã toto zonẽtohme. Jarao rokẽ exĩko mã kehko nono po, onokyro ety samo.

Mateu 23:37

— Jerusarẽ põkomo, urutõ kõ Ritonõpo poe etapananõme matose. Topu emananõme matose Ritonõpo naropotyã pona oya xine. Tuhke rokẽ oeahmarykõ se exiase repe. Oewomarykõ se roropa exiase repe kuratiri nohpory a typoenõ ewomary samo taporiry zopikoxi. Yrome yse pyra mexiatose.

Mateu 3:12

Mame ynara sã exĩko kypoko xine mana. Arexi poko erohkety sã exĩko mana. Arexi poko erohkety arexi apõko mana. Moromeĩpo ipũmãko mana ipihpyry ohpahtohme arexi kurã apiakatohme tyya. Mame arexi kurã rokẽ ẽmãko mana ẽ aka. Ikurãkãko mã ipoko erohkety mana. Yrome ipihpyry wỹnãko mana ipahtohme apoto htaka. Moro sã Kuesẽkõ kuapiakatorỹko mana. Mame iirypyrymãkõ emãko mana ezehpy htaka, tykase João eya xine.