Jo 27:10 - Ritonõpo Omiry: A Bíblia Sagrada na língua Aparai do Brasil

¹⁰ Atãkyemara mã toto Ritonõpo poko, oturupyra roropa mã toto Ritonõpo Jamihmehxo Exikety a.

Jo 27:10 ပူးပေါင်းရင်းမြစ်များ

Jo 27:11

“Ãmorepatorỹko ase Ritonõpo Imehxo Exikety jamitunuru poko, mokyro Jamihmehxo Exikety osenetupuhtoh ritoh ekarõko ase oya xine.

Jo 35:10

Yrome eramara ropa mã toto Ritonõpo a, tyrihpõkomo a. Ijamitunuru ekarõko mokyro mana, koko ahtao.

Saumu 14:4

Ritonõpo, ynara ãko ekaropõko: “Zae ehtoh waro pyra toh nae, mokaro popyra exiketomo? Torẽnase toto ypoetory tõ kyryry kurã ematonanopyry poko. Oturupyra roropa mã toto ya.”

Saumu 37:4

Atãkyemako Kuesẽkõ poko! Mame openetatoh ekarõko oya mana.

Saumu 43:4

Mame apoto apõ pona ytõko ase oẽpataka, Ritonõpo. Omoro rokẽ jãkyemãko mase. Ykyryry haapa etõko ase, eremiãko ase oeahmatohme, Ritonõpo, Jesemy.

Izaja 58:14

Jomiry omipona awahtao xine tãkye ehtoh soesoekaneme exĩko ase oya xine, orẽpyra oritorỹko ase tupime ehtoh toehse ahtao oya xine. Tãkye rokẽ exĩko roropa matose ononorykõ po, ynekarohpyry atamurukõ Jako a. Ywy Ritonõpo, oturuase.”

Apakuke 3:18

“Kure mase Ritonõpo,” ãko ase eya. Kuesẽkõ eahmãko ro ase, ypynanohneme aexiryke.

Mateu 13:21

Yrome mya, ikurohtaka xine omõpyra sã Ritonõpo omiry mana. Jarao exikety sã rokẽ aomiry mana. Morara exiryke toetuarimarykohtao axĩ Ritonõpo omiry rumekãko ropa mã toto. Tyyryhmarykohtao roropa imehnomo a Ritonõpo omipona toexirykõ axĩ irumekãko ropa mã toto.

Ruka 18:1

Mame typoetory tõ tamorepase Jezu a toto osenetupuhtohme tõtururukõ poko Ritonõpo maro. Ynara tykase ynororo eya xine: — Ritonõpo maro oturukehpyra ehtoko. Penekehpyra ehtoko õtururukõ poko Ritonõpo a, tykase ynororo eya xine.

Atos 10:2

Mokyro Ritonõpo waro exikety kynexine. Aomipona roropa kynexine tytapyĩ taõkõ maro. Tuhke tytinerũ tokarose eya juteu tomo a, tymõkomokãkara a. Kokoro rokẽ Ritonõpo maro tõturuse ynororo.

Epezu 6:18

Morohne poko ehtoko emero õtururukohtao Ritonõpo maro. Oturutoko Ritonõpo a, ãkorehmatohkõme. Emero rokẽ ahtao oturutoko Ritonõpo maro Zuzenu nekarory poko. Naeroro tuaro ehtoko. Poremãpyra ehtoko roropa. Ritonõpo poetory poko oturukehpyra ehtoko.

1 Tesaronika 5:17

Oturukehpyra ehtoko Ritonõpo netaryme.