Jo 26:14 - Ritonõpo Omiry: A Bíblia Sagrada na língua Aparai do Brasil

¹⁴ Yrome moro enetupuhpotoh pitiko rokẽ mã kehko, puti puti katoh sã rokẽ inyriry waro kuehtohkõme. Ijamitunuru nymyry imehxo ehtoh waro ehsaromepyra ahno mana.”

Jo 26:14 ပူးပေါင်းရင်းမြစ်များ

Jo 36:29

Akurũ tõ ytory waro pyra sytatose. Otãto konomeru panaikato exĩko roropa kapu ao, Ritonõpo esao?

Jo 37:4

Moromeĩpo omi konõto osetãko mana, panaikato konõto, konomeru exiry samo; moro toehse ahtao nenenehãko ro mana.

Jo 37:5

Ritonõpo omiry takararahãko mana; tyjamitunuru ke imehxo exiketõ rĩko mana, morohne onenetupuhsaromepyra sytatose.

Jo 4:12

“Omi toehse ya, opore pyra, totase ya ypanary ao puti puti katoh samo.

Jo 40:9

Ajamitunuru ekarõko mah yjamitunuru samo? Õmiry ke konomeru riry waro mahno panaikato konõto, jomiry samo?

Jo 42:5

Apitoryme awaro exiase imehnõ omiry etaryke rokẽ ya, yrome seromaroro oenẽko ase jenuru ke nymyry.

Saumu 139:6

Juaro oehtoh poko osenuruhkãko ase; tuaro jehtoh motye kuhse mã õsenetupuhtopo.

Saumu 145:3

Imehxo Kuesẽkõ mana, eahmary kyya xine kure mana; imehxo aexiry kuosenetupuhtohkõ motye mana.

Saumu 29:3

Ritonõpo omiry osetãko mana tuna tõ epoe; Ritonõpo Imehxo Exikety takararahãko mana, tuna konõto epoe aomiry osetãko mana.

Ekereziaxti 11:5

Emero tyrĩko Ritonõpo mana. Zuaro pyra awahtao otãto poeto isene exipitõko jẽ wakuru ao, zuaro ehsaromepyra roropa mase Ritonõpo nyriry tõ poko emero.

Apakuke 3:4

Saereh ãko mã ynororo xixi saerehkatoh samo. Emary poe saereh ãko nexiase, moroto tyjamitunuru tonẽse mana.

Romanos 11:33

Kure kuhse Ritonõpo mana imehnõ motye emero. Tuaro kuhse roropa ynororo. Emero ehtoh waro mana. Ritonõpo osenetupuhtoh waro pyra sytatose ipunaka. Ayaytory waro pyra roropa sytatose ipunaka.

1 Samueu 2:10

Ritonõpo Kuesẽkõ zehno exiketõ enahkapõko mana; konomeru ke toto poremãkapõko mana kapu aeino. Sero nono põkõ apiakãko Kuesẽkõ mana emero porehme. Tyjamitunuru ekarõko mana tuisa a. Tuisamehxo, imehnõ esẽme tynymenekahpyry rĩko mana.