Jo 24:24 - Ritonõpo Omiry: A Bíblia Sagrada na língua Aparai do Brasil

²⁴ Axĩtao rokẽ orẽpyra exĩko popyra exiketõ mana. Mame axĩ sã aremãnõko mã toto onahpoty samo, tiriiku sã roropa tysahkase ahtao.

Jo 24:24 ပူးပေါင်းရင်းမြစ်များ

Jo 14:21

Imũkuru tõ eahmaryhtao ahno a imehxo toto ehtoh poko, moro waro pyra mã ynororo. Tyhxirose toto ahtao azahkuru toehse toto exiryke, eya onekaropyra imehnõ mana moro poko.

Jo 20:5

Popyra exiketõ axĩtao rokẽ tãkye exĩko mã toto. Okynã pyra tãkye toto ehtoh enahnõko ropa mana.

Jo 21:13

Popyra exiketõ kure ehtoh apoĩko mã toto, kurehxo ehtoh ke roropa, orihnõko mã toto torẽtyke pyra, etuarimara roropa mã toto.

Jo 21:33

Ahno tuhkãkõ miu motye mokyro ekepyry ekahmãko mã toto, tomeseke sã ekepyry enyhtõko eutary aka, mame zohzohme sã nono ẽmãko mã toto etapurutohme.’

Jo 8:22

Yrome ozehno exiketõ otupĩko mã toto. Popyra exiketõ tapyĩ tõ osenahkãko mana.”

Saumu 37:10

Okynã pyra popyra exiketõ mã osenepyra exĩko mana; toto zupiry se awahtao, toto zupĩko mase repe, yrome toto onenepyra exĩko mase.

Saumu 73:19

Axĩ tonahkasẽme exĩko mã toto, etyhpyrykõ popyra mana ipunaka.

Saumu 92:7

popyra exiketõ emãnõko ãtarykahmã samo, azahkuru exiketõ tymõkomoke exĩko roropa, repe, yrome tonahkasẽme exĩko mã toto.

Tiaku 1:11

Xixi jetũ toehse ahtao, otyro anorỹko onahpoty roropa anorỹko, ekuru ohpahnõko mana. Axĩ ona ekurũpyry ixihpyryme exĩko ropa. Moro saaro tymõkomoke exiketõ orihnõko mana, toto erokuruhtao ro.