Jo 24:13 - Ritonõpo Omiry: A Bíblia Sagrada na língua Aparai do Brasil

¹³ “Popyra exiketõ saereme ehtoh se pyra mã toto. Toto esemary ao emero, inyriry poko emero rokẽ poko ahtao saereme ehtoh se pyra mã toto.

Jo 24:13 ပူးပေါင်းရင်းမြစ်များ

1 Tuisa 3:20

Mame towõse mose ro koko. Umũkuru tapoise eya jenaeino jynykyryhtao. Tarose eya tynyhtoh pona. Mame tumũkuru ekepyry tonehse eya jenaka, jynyhtoh pona.

Jo 24:12

Tapurose aexityã, orihsasaka exiketõ roropa kohtãko mã toto tãtakorehmapotohkõme repe. Yrome onetara Ritonõpo mana.

Jo 24:14

Ahno etapane owõnõko mana tõmehse ahtao tytineruke pyra exiketõ etapatohme. Mame tykohmãse ahtao omatome exĩko mana.

Jo 24:16

Koko, imehnõ tapyĩ taka omõnõko omato kõ mana. Ytoytopyra mã toto saereme ahtao, saereme ehtoh se pyra toexirykõke.

Jo 38:13

Xixi tõmehkapose oya nae sero nono po popyra exiketõ erehtohme toto ahpahpotohme aotonẽtohkõ tae?

Jo 38:15

Saereme ahtao zae pyra exiketomo a saeremehxo mana, toto akorekehkãko mana popyra ehtoh poko toexirykõ se toto ahtao.

Jo 5:14

Tãxiahtao tykohmãse eya xine mana, tonurãkara sã tomarykõ ke osema zupĩko mã toto.

Porowepio 4:19

Yrome popyra ehtoh poko exiketõ esemary xinukutumã sã mana koko exikety samo. Epukãko rokẽ mã toto tosemarykõ onenepyra toexirykõke.

João 12:35

Ynara tykase Jezu eya xine: — Sero nono põkõ ezurume sã ase. Otuarõtanohnekõme ase, Ritonõpo poko. Pohnõ apiakary poko roropa otuarõtanohtorỹko ase apotoimo htaka toto omomyry poko, enara. Okynã pyra ase amaro xine. Kuenetupuhtoko amaro xine ro jahtao omõpyra oehtohkõme apotoimo htaka. Xinukutumae ytoketõ tahnõko rokẽ toh mana, tosemarykõ waro pyra toexirykõke. Mokaro saaro jenetupuhpynõ mana, tuaro pyra samo. Apotoimo htaka toytorykõ onenetupuhpyra toto, jenetupuhpyra toexirykõke.

João 12:40

“Tuaro pyra tyripose Ritonõpo a, aosenetupuhpyrykõ tyripose tũpore roropa Ritonõpo a. Morara exiryke Ritonõpo jamitunuru eneryhtao ro onenetupuhpyra mã toto. Aomiry etaryhtao ro onenetupuhpyra mã toto. Tyyrypyrykõ onurumekara roropa toto. Morarame rokẽ tyripose toto Ritonõpo a. Tyyrypyrykõ onurumekapỹme tyripose toto tõmipona pyra toto exihpyryme,”

João 15:6

Uwa amorirỹpyry amorihkasẽ papyry sã ymaro pyra exiketõ pahnõko mã Papa. Tamorihkase ahtao amorirỹpyry orihnõko mana. Mame iwỹnãko toto apoto htaka ematohme jahkatohme.

João 8:31

Morarame ynara tykase Jezu tonetuputyhpõkomo a, juteu tomo a: — Jomipona awahtao xine ypoetoryme nymyry matose.

João 8:44

Omykõ mũkurume matose, joroko tamuru mũkurume. Omykõ sã matose. Pake ro oatãkatonõpome mokyro omykomo. Zae pyra ynororo ipunaka, ajohpe rokẽ exiryke. Ajohpe ynororo ahtao, toipe, ajohpãme exiryke.

Romanos 1:32

Ritonõpo omihpyry waro toh mã repe. Ynara ãko Ritonõpo omiry: “Iirypyrymãkõ apotoimo htaka ytõko toh mana, tyyrypyry poko exiketomo,” ãko. Moro waro toh mã repe. Yrome tyyrypyrykõ poko ro mã toto. Onurumekara mã toto. Popyra kuhse mã toto. Imehnomo a tyyrypyrykõ poko exiketomo a, “Kure mase,” ãko roropa mã toto.

Tiaku 4:17

Kure imehnõ riry waro awahtao xine, yrome kure toto onyripyra oekuretyrykohtao iirypyryme matose Ritonõpo a.

1 João 2:19

Mokaro Jezu poetory nymyry kara toh kynexine. Morara exiryke turumekase eya xine kymarokomo. Jezu poetoryme nymyry toto ahtao, kymaro xine ro toh exiry. Yrome kurumekatone toto, zuaro kuehtohkõme, Jezu poetoryme pyra toto exiry waro kuehtohkõme.

Juta 1:6

Wenikehpyra ehtoko roropa Ritonõpo nenyohtyã poko. Toitoine mokaro imehxo toexirykõ se toehse. “Ritonõpo sã orẽpyra sytatose,” tykase toto ajohpe. Ritonõpo ime exiry typoenohse eya xine. Morara exiryke mokaro ẽmãko Ritonõpo mana etuarimatoh taka. Keti ke sã tymyhse mã toto jũme xinukutumao. Tũtara mã toto apiakatoh konõto eraximatohme toto a. Tooehse ropa Jezu ahtao: “Popyra matose ya,” ãko mã eya xine. Wenikehpyra ehtoko mokaro poko, Ritonõpo ime exiry poenohnanõ poko.