Jo 24:11 - Ritonõpo Omiry: A Bíblia Sagrada na língua Aparai do Brasil

¹¹ Azeitona tõ akurihmõko mã toto azeite ritohme, uwa tõ purihmãko roropa mã toto uwa eukuru ritohme, popyra exiketõ poetoryme. Yrome orihnõko mã toto tutuna zehnarykõke aerokurukohtao.

Jo 24:11 ပူးပေါင်းရင်းမြစ်များ

Jo 24:10

Tupoke pyra exisasaka ytoytõko mã toto tupoke pyra toexirykõke, omise exĩko mã toto aerokurukohtao tiriiku anymyry poko.

Jo 24:12

Tapurose aexityã, orihsasaka exiketõ roropa kohtãko mã toto tãtakorehmapotohkõme repe. Yrome onetara Ritonõpo mana.

Jo 24:18

“Popyra exiketõ tarosẽme exĩko mana tuna zueme exikety a. Popyra inonorykõ ripõko Ritonõpo mana, oehpyra ropa mã toto tutupikõ pona erohse uwa tõ poko.

Izaja 16:10

Tãkye exiketõ pyra toehse nono kurã po; eremiaketõ pyra, kui kui kananõ pyra toehse mana uwa zoko esary tõ po. Eukuru rinanõ pyra toehse; kui katoh tãkye ehtoh poko tymynyhpãkapose Ritonõpo a.

Jeremia 22:13

Popyra ehtoh oehnõko mokyro a myhene, tytapyĩ riryhtao zae pyra ehtoh ke, imehnõ enekunopyry ke, topehke pyra typãnary tõ rohmanohpõko, aerohtamitu onepehmara ynororo!

Teuteronomiu 25:4

— Pui mytary onymyhpyra ehtoko tiriiku ipikary poko itũtũmaryhtao.

Tiaku 5:4

Yrome opoetorykõ mã okerekerematorỹko, zae toerohtopõpyrykõ onepehmara oexirykõke. Otupikõ poko erohketõ xitary etãko Ritonõpo Jamihmehxo Exikety mana, zae pyra topehmase toto exiryke oya xine.