Jo 22:28 - Ritonõpo Omiry: A Bíblia Sagrada na língua Aparai do Brasil

²⁸ Onyriry tõ emero kure rokẽ exĩko mana. Saereme exikehpyra exĩko mana oesemary ae.

Jo 22:28 ပူးပေါင်းရင်းမြစ်များ

Jo 11:17

Mame isene oehtoh saereh ãko mana xixime ehtoh samo tãxiahtao. Oemynyhmatoh tonõ ikohmamyry sã tymyakãmase ẽmehtoh samo.

Jo 29:3

Morarahtao jesemary pona saereh tykase Ritonõpo, ezuru ae ytoase ixinukuturu htoko.

Jo 33:28

Typynanohse exiase eya orihpyra jehtohme. Saereme ehtoh enẽko ro ase.’

Saumu 1:3

Moro sã awahtao xine wewe tõ sã exĩko matose tarykase ahtao tuna ehpio; ahtãko mana, eperytãko roropa toperytatoh po toehse ahtao, zary mã aremãpyra roropa mana. Moro sã orẽpyra exĩko matose, onyrirykõ kure exĩko roropa mana emero.

Saumu 112:4

Ezuru saereh ãko mana ikohmamyry ao, zae ehtoh poko exiketomo a te, kure ehtoh poko exiketomo a, imehnõ pyno exiketomo a, enara.

Saumu 20:4

Ise oehtoh, tuisa, ekaropory se ynanase Ritonõpo a, tyriry se oehtoh tyripory se ynanase eya.

Saumu 90:17

Ritonõpo yna Esemy, kure rokẽ yna tyriko! Yna akorehmako yna erohtoh poko, emero tyriry se yna ehtoh poko kure rokẽ ehtohme.

Saumu 97:11

Saerehkatoh saereh ãko mana zae ehtoh poko exiketõ pona, tãkye ehtoh saereh ãko sã mana Ritonõpo omiry omipona exiketõ pona.

Porowepio 4:18

Zae ehtoh poko exiketõ esemary saerehkane sã mana, xixi tũtapitory sã mana. Saeremehxo exĩko mana, xixime ehtoh pona.

Izaja 30:21

Oesemarykõ rumekaryhtao oya xine ãpotunuru wino te, opozery wino, aomiry etãko matose õkae xine, ynara ãko: “Oesemary zaenato seny; seroae ytotoko.”

Ramẽtasão 3:37

Tyriry se kuehtohkõ onyrisaromepyra sytatose tyripory se pyra Ritonõpo ahtao.

Marakia 4:2

Yrome oya xine, jomiry omipona exiketomo, opynanopyrykõ ya saereme sã exĩko mana, xixi saerehkatoh samo, isene ehtoh enehnõko. Pyhsekyhsekyh ãko matose tãkye oehtohkõke, pui poenõ samo tutũtarykohtao jarakapyhpyry ae.

Mateu 21:22

Jenetuputyryhtao oya xine, onekaropohpyrykõ ekarõko Ritonõpo mã oya xine, õtururukohtao imaro, tykase Jezu eya xine.

João 8:12

Morarame ynara tykase Jezu imoihmãkomo a: — Emero ezurume ase. Ymaro ytoketõ mã saeremae ytõko mã toto. Zae rokẽ toh exĩko isene roropa toh mana. Xinukutumã htaka ytopyra toh mana, tyyrypyrykõ poko pyra toexirykõke, tykase eya xine Jezu.

Tiaku 4:15

Ynara rokẽ kahtoko: “Jorikyry se pyra Ritonõpo ahtao rokẽ orihpopyra ase, ytoytõko mõtohne. Otyro poko erohnõko ase, ise Ritonõpo ahtao rokene,” kahtoko.