Jo 22:16 - Ritonõpo Omiry: A Bíblia Sagrada na língua Aparai do Brasil

¹⁶ Mõtoino rokẽ toorihse toh nexiase, tarose samo tuna zueme exikety a.

Jo 22:16 ပူးပေါင်းရင်းမြစ်များ

Jenexi 7:11

Moro zano 600me jeimamyry Noe nae kynexine. Mame ẽmepyry 17mã po, nuno asakoro ehtoh po, tuna eutary tõ tuna konõto poe, nono zopino, toehmose kehko. Konopo konõto tooehse roropa kapu ae, osenuhmatoh konõto tõ tãtapuruhmakase samo.

Jo 14:19

Topu tõ ahkary sã tuna a, nono arory sã roropa opotunety a, moro saaro kure ehtoh eraximary ahno a enahkapõko mase.

Jo 15:32

Anorỹko mana tamuhpõme nymyry pyra ahtao, wewe amoriry aremamyry samo, arỹtara ropa ekurehnõko mana.

Jo 21:13

Popyra exiketõ kure ehtoh apoĩko mã toto, kurehxo ehtoh ke roropa, orihnõko mã toto torẽtyke pyra, etuarimara roropa mã toto.

Jo 21:18

Otara ahtao popyra exiketõ typahse Ritonõpo a tiriiku akumuru samo, tiriiku pihpyry sã roropa tarose ahtao tyryrykane a?

Jo 24:18

“Popyra exiketõ tarosẽme exĩko mana tuna zueme exikety a. Popyra inonorykõ ripõko Ritonõpo mana, oehpyra ropa mã toto tutupikõ pona erohse uwa tõ poko.

Jo 36:14

Zae pyra mã toto, Ritonõpo omiry omipona pyra, imeimehnõ poko mã toto. Naeroro orihnõko mã toto poetome ro toto ahtao.

Jo 4:19

Morararo kymarokomo, nono risẽme exiketomo, amonohnõko sytatose. Takurihmosẽme exĩko sytatose, nuko samo. Morohne enetupuhnõko Ritonõpo mana.

Saumu 102:24

Ritonõpo Jesemy jũme isene exikehpyra mase, jaropyra exiko seromaroro, tamuhpõme exipyra ro jahtao!

Saumu 55:23

Yrome mokaro imehnõ etapananomo te, imehnõ ewokananomo, ajohpe exiketõ roropa emãko mase, Ritonõpo, aorihtyã esaka; isene toto ehtoh zokonaka exipyra ahtao ro. Yrome ywy, oenetupuhnõko ase.

Saumu 90:5

Yna arõko mase tuna zueme ehtoh samo, osenehtopõpo sã axĩtao rokẽ ynanase. Ãtarykahmã sã ynanase, ẽmepyry exipitory samo,

Porowepio 10:27

Ritonõpo omiry omipona exiketõ isenehxo mã toto, okynahxo orihpyra mã toto. Yrome popyra exiketõ orihnõko mã toto aorihtoh po pyra ahtao ro.

Ekereziaxti 7:17

Mame tomeseke exiko popyra ehtoh poko onymotyẽkara oehtohme. Putupyra exikety sã pyra roropa exiko; otyme kure oorikyry tamuhpõme pyra ro awahtao?

Izaja 28:2

Orutua jamihmã enehpõko Ritonõpo mana, orẽpyra exikety; konopoimo topuxikirime exikety sã oehnõko mana, tyryrykane jamihmã samo, emero enahkane sã roropa. Konopo jamihmã samo, tuna tukumase ahtao zueme exikety samo. Emero enahkapõko mokyro mana!

2 Peturu 2:5

Pakatokõ roropa iirypyryme toehse ahtao toto onypynanohpyra Ritonõpo tokurehse. Tuãnohse toto eya. Konopo konõto tonehpose eya sero põkõ nerymapotohme, iirypyrymãkõ nerymapotohme. Noe tõ rokẽ typynanohse eya. Zae ehtoh poko imehnõ amorepaneme Noe kynexine. “Oorypyrykõ irumekatoko, okurãkatohkõme Ritonõpo a,” tykase ynororo repe. Noe maro 8mãkõ rokẽ typynanohse Ritonõpo a.