Jo 22:13 - Ritonõpo Omiry: A Bíblia Sagrada na língua Aparai do Brasil

¹³ Yrome ekaropõko mase: ‘Oty waro Ritonõpo nae? Akurũ tõ xinukutumãkõ moroto mana, irãnao. Otãto kuapiakatorỹko nae?’

Jo 22:13 ပူးပေါင်းရင်းမြစ်များ

Jo 34:22

Osa pyra mana, otonẽtohme xinukutumehxo exikety, iirypyryme exikety otonẽtohme onenepyra Ritonõpo ehtohme.

Saumu 10:11

Mokyro popyra exikety ynara ãko mana tyya rokene: “Ritonõpo ‘Oty’ kara mana. Pimỹme rokẽ mana, osenuhmara mana!”

Saumu 139:11

Ynara karyhtao ya ixinukuturu a: “Kuapuruko,” karyhtao, morararo saeremano a: “Yzeipopyra exiko,” karyhtao,

Saumu 139:7

Mya jytoryhtao jenẽko ro mã Ouzenu; epasaromepyra ase owinoino.

Saumu 59:7

Tõmirykõ ke imehnõ enaroximãko mã toto, tytapemakẽ samo; imehnõ eunohnõko: “Yna omiry onetara imehnõ mana,” ekarõko toh mã repe.

Saumu 64:5

Atakorehmãko mã toto popyra ehtoh ritohme; oturũko mã toto imehnõ apoitoh riry poko tyya xine, zonẽnõko mã toto osenepyra toto ehtohme.

Saumu 73:11

Ynara ãko mã toto: “Ritonõpo zuaro pyra exĩko mana; sero onenepyra mã Ritonõpo Imehxo Exikety.”

Izaja 29:15

Popyra ehtoh oehnõko oya xine mana: Ritonõpo winoino õsenetupuhtohkõ zonemyryke oya xine. Koko, xinukutumao zae pyra ehtoh poko matose, mame ynara ãko: “Kuenepyra xine imehnõ mana, kynyrirykõ waro pyra imehnõ mana, emero.”

Jeremia 23:24

Otonẽsaromepyra matose oenepyra jehtohme. Zuaro pyra hmatou, emero osa po ase, kapu ao te, nono po roropa, enara?

Ezekieu 8:12

Mame tõturupose Ritonõpo ya, ynara tykase: — Ahno mũkuru, moxiã nyriry enẽko mah? Izyraeu tõ tamuximãkõ tyneponãmary eahmãko mã toto tokare pyra. Ynara ãko mã toto: “Ritonõpo kuenepyra xine mana. Sero nono turumekase eya.”

Ezekieu 9:9

Ynara tykase Ritonõpo ya: — Izyraeu tõ tyyrypyhpyke toehse mã toto. Popyra mã toto ipunaka. Imehnõ totapase eya xine pata tõ po, sero nono po porehme. Popyra ehtoh poko rokẽ mã toto Jerusarẽ po. Ynara ãko mã toto: “Kynonorykõ turumekase Ritonõpo a. Kuenepyra xine mana,” ãko.

Amoxi 9:2

Aomomyrykohtao nono aka aorihtyã esaka, moro poe toto enehnõko ropa ase; tõnuhse toto ahtao kapu aka, moro poe toto enyhtõko ropa ase.

Amoxi 9:3

Aotonemyrykohtao ypy Karameru pona, morotona ytõko ase toto apoise. Tõtonẽse toto ahtao tuna konõto zopino, zue ao, okoimo aropõko ase toto esekatohme.

Sowonia 1:12

— Moro toehse ahtao ezuru apoĩko ase, pata Jerusarẽ põkõ enetohme. Mokaro wãnohnõko ase typoko xine tãkye exiketomo, tuesapare exiketõ roropa emero nae toexirykõke, orẽpyra sã exiketomo, ynara kananõ tyya rokene: “Oty rĩko Ritonõpo nae? Arypyra; onypynanohpyra mana, onuãnohpyra roropa mana.”