Jo 21:30 - Ritonõpo Omiry: A Bíblia Sagrada na língua Aparai do Brasil

³⁰ Ynara ekarõko mã toto: ‘Tohne toehse Ritonõpo ahtao, mame ahno tuãnohse ahtao eya, popyra exikety epãko mana; typynanohsẽme exĩko mana.

Jo 21:30 ပူးပေါင်းရင်းမြစ်များ

Jo 20:28

Moro ẽmepyry ae zehno Ritonõpo ehtoh tukuãse ahtao epona xine, itinerũ imõkomory roropa tonahkasẽme exĩko mana, emero porehme.

Jo 20:29

Senohne rĩko Ritonõpo mana popyra exiketõ pona; moro kurãkãko mana, epehpyryme popyra exiketõ epehmatohme.”

Jo 21:17

“Otara ahtao popyra exiketõ ezuru tozehse nexiase? Otara ahtao toiro popyra exikety tonahkase, tuãnohse Ritonõpo a, zehno toexiryke?

Jo 21:20

Ah mokyro iirypyryme exikety tuãnohsẽme nexino, sam katohme, popyra ehtoh zehno Ritonõpo Jamihmehxo Exikety ehtoh waro ehtohme!

Jo 21:29

“Ytoketõ maro oturupyra ro mexiatose? Aomirykõ imeimehnõ poko onetara ro mexiatose?

Jo 21:31

Mokyro onyhxiropyra imehnõ mana inyrihpyry xihpyry poko. Mokyro onepehmara imehnõ mana zae pyra inyrihpyry emetakame.

Jo 31:3

Popyra ehtoh enehpõko mana, iiryhmatoh roropa popyra exiketõ wãnohtohme.

Jo 40:11

Epyrypaketõ eneko; toto zehno oehtoh zumakako epona xine toto tuarimatohme.

Jo 8:20

“Zuaro sytatose, zae ehtoh poko exiketõ onurumekara Ritonõpo mana. Popyra exiketõ anakorehmara roropa mana.

Saumu 110:5

Tuisa, ãpotunuru wino Ritonõpo mana, tuisa tõ poremãkãko mana zehno toehse ahtao.

Saumu 73:5

Sam kara mã toto imehnõ etuarimaketõ sã pyra, popyra ehtoh oehpyra eya xine mana.

Porowepio 11:4

Tineru ãkorehmara mana oorihtoh toehse ahtao, yrome ajohpe pyra ahno ehtoh ipynanohnõko mana.

Porowepio 16:4

Emero tyrise Ritonõpo a zae rokẽ ehtohme etyhpyryme, popyra exiketõ tuãnohsẽme rokẽ exĩko mã toto.

Jeremia 41:15

Yrome Iximaeu tõ toepase 8mãkõ maro Joanã tõ winoino. Amõ nonory pona toepase toto.

Naum 1:2

Ritonõpo Kuesẽkõ toiro mana, imehnõ ritõ panõ se pyra mana ipunaka. Topetõkara wãnohnõko mana, toto zehno toexiryke. Topetõkara epehmãko Ritonõpo mana, tohne tahtao toto wãnohnõko mana.

Sowonia 1:15

Moro ẽmepyry ae zehno exĩko Ritonõpo mana, iiryhmatohme exĩko mana, sam katohme, tykararahse ehtopo, tonahkase ehtoh roropa, kohmamyry xinukutume exĩko mana, akurũ tõ xinukutume samo, omoxinety samo.

Romanos 2:5

Yrome onetarahko sã matose, aomipona se pyra oexirykõke. Naeroro awãnohpotorỹkohxo Ritonõpo mana, kurãkõ apiakatoh po. Morara ahtao kyyrypyrykõ zehno Ritonõpo ehtoh enẽko sytatose. Zae kuapiakarykõ enẽko roropa sytatose.

Jozue 10:18

Ynara tykase ynororo: — Topu konõto tõ tyritoko, apanaritoko moro eutary. Erase tyritoko roropa moroto.

2 Peturu 3:7

Yrome seromaroro Ritonõpo poe ro kapu tõkehko enahpyra ro mana. Sero nono roropa enahpyra mana. Imeĩpo kapu enahkapõko mana apoto ke. Tõmiry ke sero nono roropa enahkapõko mana. Senohne enahkaporyhtao tyya tõmipona pyra exiketõ tuarimapõko mana iirypyrymãkomo. Toto enahkapõko mana, enara. Moro waro se pyra mokaro mana.

Juta 1:13

Pohkane konõto sã roropa mã toto tuna konõto kuaõ samo. Ãtaryka arõko pohkane, isawã xikuromãkomo. Moro sã mokaro rypyry osenẽko. Xirikuato ytoytoketyme toehse ahtao, moro sã mã mokaro exĩko. Toto esary menekãko Ritonõpo mana, mya xinukutumao, jũme toto ehtohme moero.

Apokaripxi 6:17

Yna zehno toto ehtoh toehse exiryke poremãnõko rokẽ ynanase, ãko toh kynexine.