Jo 21:26 - Ritonõpo Omiry: A Bíblia Sagrada na língua Aparai do Brasil

²⁶ Yrome oxisã etyhpyryme orihnõko mã toto. Tonẽse toto ahtao oxisã tyõtosẽme exĩko mã toto moromoro tõ maro.

Jo 21:26 ပူးပေါင်းရင်းမြစ်များ

Jo 17:14

Jekepyry zonẽtoh papame ekarõko ase, moromoro ajame ekarõko ase, woryxiry tõme roropa, morara ahtao

Jo 19:26

Ypihpyry tonahkase ahtao ro tyrohsẽ ke, ynara zuaro ase: sero joko ao Ritonõpo enẽko ase.

Jo 20:11

Zokokõ nuaseme aexihpyry, jamihme roropa, okynã pyra nonome exĩko mana.

Jo 21:25

Mãpyra imehnõ tyoro sã mã toto, tãkye ehtoh onukuhpitopyra, orihnõko mã toto sam karyke tukurohtao xine.

Jo 21:27

“Õsenetupuhtohkõ waro ase. Popyra jekarõko matose, zuaro ase.

Jo 24:20

Mokaro poko wenikehnõko jẽkõ roropa mana. Tyhmokasẽme exĩko toto moromoro tomo a, tonahkasẽme exĩko mã toto wewe aepukahpyry samo.

Jo 3:13

Toorihse jahtao jenururuhtao, seromaroro oseremakety sã exiry torẽtyke pyra.

Saumu 49:14

kaneru sã orihnõko mã toto, aorihtohkõ toto esẽ sã toto arõko. Ẽmepyryhtao mokaro poremãkapõko zae exiketõ mã toto; ekepyrykõ motãko mana zonẽtopõpyry ao ameke toto tapyinỹpyrykõ winoino.

Ekereziaxti 9:2

Yrome otara kara sytatose. Emero rokẽ oehnõko mana zae exiketomo a, ajohpe exiketomo a roropa; kurãkomo a, popyra exiketomo a roropa; enetupuhnanomo a, onenetupuhpynomo a roropa; tynenehpyry enehnanomo a, onenehpyra exiketomo a roropa. Oxisã exĩko mana kure ehtoh poko exikety a, iirypyryme exikety a roropa; tõmiry etapone a, onetapopyra exikety a roropa.

Ekereziaxti 9:3

Oxisã exĩko mana ahno a emero. Moro popyra mana ipunaka sero nono po. Ahno isene ahtao ikurohtao xine pehme mã toto popyra ehtoh ke, rowohpe ehtoh ke. Mame mõtoino rokẽ orihnõko mã toto.

Izaja 14:11

Otoko hnae imehnõ motye õsekarotopõpyry nae? Otoko hnae moro eremiatoh haapa tõ maro, oeahmatopõpyry? Seromaroro taro mase aorihtyã esao, taro ataxikãko mase moromoro htaka, oxiõtõko mase moromoro tõ ke.”