Jo 20:7 - Ritonõpo Omiry: A Bíblia Sagrada na língua Aparai do Brasil

⁷ jũme tonahkasẽme exĩko mana oruno samo. Mokyro waro exiketõ ipoko zuaro pyra exĩko mã toto. ‘Otara toehse mokyro?’ ãko.

Jo 20:7 ပူးပေါင်းရင်းမြစ်များ

1 Tuisa 14:10

Morara tyrise oya exiryke popyra ehtoh enehpõko ase oya xine. Opoenõ te, apakomotyã roropa emero orutua kõ etapãko ase, nuasemãkomo, tamuhpomãkõ roropa. Oekyry tõ enahkapõko ase, toto tumehnõko ase okyno ety samo.

2 Tuisa 9:37

Akoĩpyry sapararahme exĩko okyno ety samo. Moromeĩpo ipoko ynara kasaromepyra exĩko imehnõ mana: ‘Mose Jezapeu ekepyry taro nexiase.’ ”

Jo 14:10

Yrome ahno toorihse ahtao, arypyra exĩko mana; orihnõko exino mana, mame otara exĩko nae?

Jo 14:14

Toorihse ahno ahtao ẽsemãnõko ropa nae? Yrome kurehxo ehtoh eraximãko ase, jetuarimatoh tonahse ahtao.

Jo 14:20

Yna poremãkapõko mase, orihnõko ynanase. Yna ẽmyty tyoro sã tyrĩko mase sero nono poe yna osekazumatohme.

Jo 21:28

Ekaropõko matose: ‘Otoko mokyro imehxo exikety tapyiny seromaroro, tyyrypyhpyke exikety tapyiny?’

Jo 27:19

Etyhpyryme ataxikãko mokyro mana itamurume tineru esẽme mã repe, yrome typakase ropa ynororo ahtao pake itinerũ tõtuenikase.

Jo 4:20

Isene sytatose tõmehse ahtao, yrome mõtahtao orihnõko sytatose jũme rokene. Otara kara imehnõ mana.

Jo 7:10

Oehpyra ropa exĩko mana tytapyĩ taka; ipoko wenikehnõko mokyro waro aexityamo.

Jo 8:18

Yrome touse ahtao, mokaro a tuaro pyra exĩko imehnõ mana. ‘Oty nexiase moroto?’ kara mã toto ipoko.

Saumu 112:10

Moro eneryke popyra exiketomo a tohne exĩko mã toto; mokyro se pyra toh mã repe, osenahkãko rokẽ mã toto. Popyra exiketõ ise ehtoh enahnõko rokẽ mana, arypyra exĩko ropa mana.

Saumu 41:5

Jepetõkara omiãko xihpyryme ypoko mã toto. Joorikyry se mã toto wenikehtohme ypoko.

Saumu 83:10

Typoremãkase toh oya Ẽtoa po, ekepyry tõ tymotase nono po.

Izaja 41:12

Ozehnotokõ zupiryhtao oya xine onenepyra exĩko matose, mokaro emero arypyra exĩko tonahse exiryke.

Jeremia 8:2

Jehpyrykõ typahsẽme exĩko sapararahme xixi zopino, nuno roropa, xirikuato zopino roropa. Morohne sehxo toh nexiase, tynekarorykõ tonehse eya xine, imeĩpo ehtoh poko tõturupose toto a eya xine, toahmase toto eya xine. Jehpyry tõ ananỹpyra exĩko mã toto zonẽtohme. Jarao rokẽ exĩko mã kehko nono po, onokyro ety samo.

Opatia 1:4

Tõnuhse awahtao ro piano samo, omỹkõ riryhtao oya xine xirikuato tõ rãnaka, otywyhmãko ase moro poe, oporemãkapõko ase.