Jo 20:15 - Ritonõpo Omiry: A Bíblia Sagrada na língua Aparai do Brasil

¹⁵ Mokyro popyra exikety enarutãko mana, mõkomo kurã tomatonanohse ahtao eya; morohne oũko Ritonõpo mana zuakuru ae.

Jo 20:15 ပူးပေါင်းရင်းမြစ်များ

Jo 20:10

Imõkomohpyry ekarõko ropa imũkuru tõ mana tymõkomokãkara a, inematonanopyhpyry, inapoihpyry imehnõ enekunohtopõpyry ke.

Jo 20:14

Yrome imeĩpo zuakuru ao zehnãko mana. Itũ exĩko, opi orihmatõ itunety samo.

Jo 20:18

Emero tymõkomory rumekãko mana. Toerohtamitu nomõko mana. Tytinerũ poko ehsaromepyra exĩko mana, enara.

Jo 20:20

Tãkye nymyry pyra mana tymõkomory poko; itamurumehxo ise ro exikehpyra mana.

Jo 20:28

Moro ẽmepyry ae zehno Ritonõpo ehtoh tukuãse ahtao epona xine, itinerũ imõkomory roropa tonahkasẽme exĩko mana, emero porehme.

Saumu 109:11

Ah imõkomohpyry emero tupuxihkasẽme nexino inepehmary epehmatohme! Ah imehnõ imõkomohpyry esẽme nexĩ toto inapoihpyry toerohtamitume!

Porowepio 21:20

Tuaro exikety tymõkomoke exĩko, tynahke roropa, yrome tuaro pyra exikety arypyra, axĩ tytinerũ enahkãko mana, toerohtamitu apoiryhtao tyya.

Porowepio 23:8

Tuesapare oriry se ynororo rupome oehtohme. Imeĩpo enarutãko mase õty wamĩko ropa mase, mame atahnikãko rokẽ mã ipyrypatopõpyry oya.

Jeremia 51:34

Papironia tuisary a Jerusarẽ tysahkase, tõse eya. Pata tytaõke pyra tyripose eya tuna ẽ kuamyry samo; zakareimo samo kuih tykase, tõse eya. Tuesapare toehse ynororo typenetatoh ke. Mame akoĩpyry typahse eya.

Jeremia 51:44

Ritõ panõ Peu wãnohnõko ase, Papironia põkõ neponãmary. Imehnõ mõkomory tomatonanohse eya aexihpyry ipuxihkãko ropa ase. Imeimehnõ ahno tõ mokyro eahmakehnõko mã toto. — Pata Papironia apuru tõ toepukase mã kehko.

Apakuke 2:6

Yrome papironio tõ eunohnõko ahno tõ mana, typoremãkase exiketomo. Toto poihtõko mã toto. Ynara ãko mã toto: “Popyra ehtoh oehnõko oya xine, myhene! Itamurume tymõkomoke matose, imehnõ kyryry ematonanopyryke oya xine! Otara ahtao omõkomory emãkapokehnõko matou, tineru epehmapory poko roropa tymõkomokãkara a?”