Jo 19:27 - Ritonõpo Omiry: A Bíblia Sagrada na língua Aparai do Brasil

²⁷ Ywy roro jenuru ke nymyry mokyro enẽko ase, mokyro waro exĩko ase rahkene. Moro sehxo ywy yronymyryme!

Jo 19:27 ပူးပေါင်းရင်းမြစ်များ

Jo 33:26

Aotururuhtao Ritonõpo a, etãko mana. Tãkye toehtoh ke Ritonõpo eahmãko mana. Ritonõpo zamaro exĩko roropa mana, zae exikety ehtoh samo.

Saumu 118:6

Ritonõpo ymaro mana, enaromyra exĩko ase; jyryhmasaromepyra imehnõ mana.

Saumu 119:81

Tapotũkehse ase, ypynanopyry eraximary poko oya; õmihpyry zae ehtoh enetupuhnõko ase.

Saumu 17:15

Yrome oenẽko ase, azahkuru pyra jexiryke; mame typakase ropa jahtao, oẽpataka atãkyemãko ase oeneryke ya.

Saumu 73:26

Upũ jamihme pyra exĩko josenetupuhtoh roropa, yrome Ritonõpo yjamitunurume mana, ynoro se rokẽ ase tãkye jehtohme.

Izaja 26:19

Izyraeu tõ aorihtyã ẽsemãnõko ropa mã toto; ekepyrykõ owõnõko ropa mã toto. Nono ao aorihtyã ekepyry tõ pakãko roropa, atãkyemãko mã toto, eremiãko roropa mã toto. Axitaku onenehpohpyry otyro ehxikãko, ahtanohpõko roropa mana. Moro sã aorihtyã ẽsemãkapõko ropa mase, Ritonõpo, nono ae itũtatohkõme ropa.

Izaja 33:17

Morarame tuisa konõto enẽko ropa matose, tuisa imehxo exikety, nono konõto esemy.

Numeru 24:17

Imeĩpo ehtoh enẽko ase, Izyraeu tõ enẽko. Tuisa konõto, xirikuato saeremehxo exikety sã exĩko mana mokaro wino. Tonesã samo oehnõko mana Izyraeu tõ poe. Moape tõ tuisamãkõ poremãkapõko mana. Mokaro ahno epyrypaketõ enahkapõko mana.