Jo 18:20 - Ritonõpo Omiry: A Bíblia Sagrada na língua Aparai do Brasil

²⁰ Mokyro orihtoh poko zuaro exiketõ, xixi tũtatoh winoino xixi omõtoh pona, tykytyky ãko mã toto, enaromỹke toexirykõke.

Jo 18:20 ပူးပေါင်းရင်းမြစ်များ

1 Tuisa 9:8

Sero Tapyi kaetokohxo exikety typahsẽme rokẽ exĩko mana. Mame ikuroko ytoketõ oserehnõko mã toto moro eneryke tyya xine: “Oty katohme serara tyrise Ritonõpo a sero nono poko, sero Tapyi poko roropa?” ãko mã toto.

Jo 24:22

Tyjamitunuru ke popyra exiketõ enahkapõko Ritonõpo mana; tyripõko mana, mame tyyrypyhpyke exiketõ orihnõko mana.

Saumu 137:7

Ritonõpo, wenikehpyra exiko etomita tõ nyrihpyry poko Jerusarẽ poremãkatopõpyry poko! Wenikehpyra exiko aomihpyrykõ poko: “Pata Jerusarẽ ikararahtoko emapotohme nono pona,” tykase toto.

Saumu 37:13

Yrome pohnõ eneryke tyya, exianãko Kuesẽkõ mana, okynã pyra enahnõko mã toto. Moro waro Kuesẽkõ mana.

Jeremia 18:16

Sero nono tyrise eya xine osa popyra ipunaka, jũme ise pyra imehnõ ehtohme. Moro rãnakuroko ytoketõ osenuruhkãko mã toto, tupuhpyrykõ kywyh ãko eunohnõko roropa mã toto.

Jeremia 50:27

Isoutatu tõ etapatoko emero. Toto enahkatoko! Papironia põkõ enatyry toehse myhene! Toto wãnohtoh toehse rahkene!

Ezekieu 21:25

— Omoro, Zetekia, Izyraeu tõ kowenatume, popyra mase, Ritonõpo omiry omipona pyra mase. Naeroro awãnohtoh oehnõko mana, jũme rokene.

Ruka 19:42

Ynara tykase ynororo toemynyhmaryme: — Jerusarẽ põkomo, jenehpoase Ritonõpo oya xine kure oripotohkõme repe. Moro poko otuarõtanohporykõ se ase repe. Yrome jomiry etary se pyra matose. Morara exiryke ekurehnõko rokẽ matose.

Ruka 19:44

Tuhke ozehnotokõ exĩko mana õmye xine. Oryhmatorỹko mã toto. Oesaõkõ ryhmãko roropa mã toto emero porehme atapyĩ taõkõ maro. Oesarykõ pahnõko mã toto. Topu risẽme tapyi ahtao, topu pahnõko roropa mã toto. Oya xine jenehpoase Ritonõpo repe, typoko ourutohkõme repe. Yrome yse pyra matose. Morara exiryke oryhmatorỹko mã toto. Osepynanohpyra matose emero porehme, tykase Jezu Jerusarẽ põkõ poko.