Jo 18:16 - Ritonõpo Omiry: A Bíblia Sagrada na língua Aparai do Brasil

¹⁶ Wewe sã toorihse aexihpyry sã exĩko mana, tonore imity tõ poe amoriry tõ pona.

Jo 18:16 ပူးပေါင်းရင်းမြစ်များ

Jo 15:30

Mokyro popyra exikety, xinukutume ehtoh wino epara mana, orihnõko. Wewe amoriry sã exĩko mana tyahse ahtao apoto ke, ekuru tomo tyryrykane a tarosẽme exĩko.

Jo 15:32

Anorỹko mana tamuhpõme nymyry pyra ahtao, wewe amoriry aremamyry samo, arỹtara ropa ekurehnõko mana.

Jo 29:19

Wewe sã exiase tymise exikety, imity tõ ytõko tuna pona, amoriry tõ tohxikase mã kehko konopo ke.

Jo 8:17

Imity tõ osexihnõko topu tõ pona, topu konõto pokona roropa.

Izaja 14:20

Ononory tykararahse oya exiryke, ononory põkõ totapase roropa oya exiryke oekepyry ononẽpyra ekurehnõko mã toto. Ah mokyro pakomotyã emero norihno toto tuisa popyra exiryke.

Izaja 5:24

Morara exiryke ãtaryka zahkary sã apoto a, onahpoty tonore zahkary sã roropa; moro sã Izyraeu tõ osenepyra exĩko: otyro sã exĩko mã toto imity tõ tymotase ahtao, ekuru tõ tarosẽme exĩko putoh katoh samo, Ritonõpo Jamihmehxo Exikety nyripohpyry omipona pyra toehse oexirykõke; Izyraeu tõ Esẽ Kurã omiry xihpyryme tokarose roropa oya xine.

Ozeja 9:16

Izyraeu tõ tapurose mana; wewe eperytapỹ sã mã toto topere pyra, imity tõ tonore toehse exiryke. Toemũkuase toto ahtao ipoenõkõ nupunato aorihmapõko ase.

Amoxi 2:9

— Owenikehtou ynyrihpyry poko amoreu tomo a? Mokaro tonahkase ya mosahxo exiketomo, wewe apupari sã exiketomo te, wewe kurano sã roropa jamihme exiketomo. Mokaro tonahkase ya porehme.

Marakia 4:1

Ynara ãko Ritonõpo Jamihmehxo Exikety: — Moro ẽmepyry oehnõko mana: epyrypaketõ emero tyahkasẽme exĩko mana, popyra exiketõ maro, onahpoty samo tonore ahtao. Tonahkasẽme exĩko mã toto ipunaka.