Jo 15:34 - Ritonõpo Omiry: A Bíblia Sagrada na língua Aparai do Brasil

³⁴ Popyra exiketõ typoenõke pyra exĩko mã toto, tapyi tõ tyrise ahtao imehnõ enekunohtoh ke, moro zahnõko mã kehko apoto ke.

Jo 15:34 ပူးပေါင်းရင်းမြစ်များ

Jo 11:14

Onyriry xihpyry irumekako. Oorypyry, nuriame exikety, onyripyra exiko atapyĩ tao.

Jo 12:6

Omato kõ torẽtyke pyra mã toto tytapyĩkõ tao, Ritonõpo kerekeremananõ roropa. Ritonõpo oneahmara mã toto; tyjamitunuru rokẽ moĩko mã toto.

Jo 15:30

Mokyro popyra exikety, xinukutume ehtoh wino epara mana, orihnõko. Wewe amoriry sã exĩko mana tyahse ahtao apoto ke, ekuru tomo tyryrykane a tarosẽme exĩko.

Jo 18:15

Itapyinỹpyry tukurikasẽme exĩko ẽxofere ke nuriame pyra ehtohme, mame imeĩpo imepỹ moro taka omõnõko mana, moroto ehse.

Jo 20:1

Morarame Zopaa, Naama pono tõturuse. Ynara tykase ynororo:

Jo 27:8

Oty kure ehtoh eraximãko Ritonõpo waro pyra exiketõ nae aorihtoh toehse ahtao?

Jo 36:13

“Ritonõpo waro pyra exiketõ mã zehno exikehpyra tukurohtao xine, tuãnohse toto ahtao ro, takorehmanekõ onykohmara mã toto.

Jo 8:13

Moro sã exĩko mokaro a, tuenikehse exiketõ Ritonõpo poko. Toiparo rokẽ kure ehtoh eraximãko popyra exiketõ mana.

Jo 8:22

Yrome ozehno exiketõ otupĩko mã toto. Popyra exiketõ tapyĩ tõ osenahkãko mana.”

Mikeja 7:2

Taro Izyraeu tõ nonory po zae exikety pyra mana ipunaka, Ritonõpo omipona exikety pyra mana. Imehnõ etapary se mã toto emero; imehnõ ẽmary kuhnõko mã toto ãpuruhpyry taka.

Mateu 24:51

Mame tooehse tahtao typoetory kahpyry wãnohnõko mana. Jehno toexiryke iiryhmãko roropa mana. Imehnõ ajoajohpãkõ maro mokyro emãko mana. Moroto xitãko ynororo, kui kui ãko. Enara.

1 Samueu 12:3

Taro ase. Zae pyra toehse jahtao kyhxirotoko Ritonõpo neneryme, ynymenekahpyry tuisame neneryme roropa. Otarame imepỹ eky tomatonanohse ya, pui te, jumẽtu? Otarame imepỹ tonekunohse ya te, otarame imepỹ tyrohmanohpose ya? Otarame tineru tapoise ya zae ehtoh tyorõmatohme repe? Morara toehse jahtao ynapoihpyry ekarõko ropa ase, tykase Samueu.

1 Samueu 8:3

Yrome tumykõ sã pyra toh nexiase. Tineru apoiry se rokẽ toh nexiase, toerohtoh tamitume. Mame zae pyra exiketõ wino tineru tapoise roropa eya xine zae pyra ehtoh poko toto ahtao ro.