Jo 15:23 - Ritonõpo Omiry: A Bíblia Sagrada na língua Aparai do Brasil

²³ Aorikyry eraximãko kurumu tõ mana, ekepyry pũ õtohme. Toorikyry a rokẽ zuaro mana, okynã pyra xinukutume mã exĩko eya.

Jo 15:23 ပူးပေါင်းရင်းမြစ်များ

Jenexi 4:12

Tupito poko oerokuruhtao anarykatyã ahtara mana, eperytara roropa. Tosake pyra exikety sã ytoytõko mase nono poro, epakety samo.

Jo 15:22

Popyra ehtoh toehse ahtao typynanopyry oneraximara mana, totapary zuno mã ynororo imehnomo a.

Jo 15:24

Popyra ehtoh oepyry, aosanumatoh tonõ roropa, enaromỹke tyrĩko mana. Iporemãkapõko mã toto tuisa konõto samo, tysoutatu tõ maro.

Jo 15:30

Mokyro popyra exikety, xinukutume ehtoh wino epara mana, orihnõko. Wewe amoriry sã exĩko mana tyahse ahtao apoto ke, ekuru tomo tyryrykane a tarosẽme exĩko.

Jo 18:12

Tytineruke nexiase, yrome seromaroro omise mã toto; mokaro enahkary eraximãko popyra ehtoh mana mokaro apoitohme.

Jo 18:18

Mokyro taroposẽme exĩko mana isene exiketõ esary winoino. Saereme ehtoh winoino roropa taroposẽme exĩko mana xinukutumã aka.

Saumu 109:10

Ah ipoenõ tytapyĩke pyra nexĩ toto, tonahsẽ ekaroponeme toto ehtohme imehnomo a. Ah taroposẽme nexĩ toto patãpo tõ tosarykõ poe!

Saumu 59:15

Kaikuxi tõ sã ytoytõko mã toto pata tõ poro, tonahsẽ zupĩko, xitãko tonahsẽ ipune pyra ahtao.

Saumu 59:16

Yrome eremiãko ase ajamitunuru poko. Tõmehse ahtao eremiãko ase ypyno oehtoh poko. Jewomaneme toehse mase, jesaryme jamihmã mase popyra ehtoh toehse ahtao.

Porowepio 10:3

Zae ehtoh poko exiketõ onemitapãkapopyra Ritonõpo mana, yrome popyra exiketõ akorekehkãko mana ipenetatohkõ anapoipyra toto ehtohme.

Porowepio 16:4

Emero tyrise Ritonõpo a zae rokẽ ehtohme etyhpyryme, popyra exiketõ tuãnohsẽme rokẽ exĩko mã toto.

Ekereziaxti 11:8

Tãkye exiko kokoro rokene isene ro awahtao. Yrome tuhke jeimamyry taropose ahtao oya isene ro sero nono po, wenikehpyra exiko tuhkehxo jeimamyry aropõko mase aorihtyã esao. Toiparo rokẽ morohne mana.

Ramẽtasão 5:6

Tonahsẽ nae yna ehtohme isene ro yna ehtohme, tokaropose yna a Ejitu põkomo a te, axirio tomo a roropa.

Ramẽtasão 5:9

Imehnõ etapananõ ytoytõko yna nonory poro. Naeroro tomeseke sã rokẽ tonahsẽ zupĩko ynanase yna orikyryino.

Joeu 2:2

Moro ẽmepyry ikohmamyry sã exĩko mana, koko ehtoh samo, akurũ xinukutumã sã exĩko mana tapure exikety samo. Taparara tõ oehnõko mã toto soutatu tõ ikuhpỹme samo jamihme roropa, akurũ xinukutumã sã ypy tõ po. Sero panõ exipitopyra nexiase moino ro, taroino exipyra ropa exĩko roropa mana.

Amoxi 5:20

Moro ẽmehtoh Ritonõpo ẽmepyry saereme pyra exĩko mana, ikohmamyry sã exĩko, koko ehtoh sã ipunaka.

Sowonia 1:15

Moro ẽmepyry ae zehno exĩko Ritonõpo mana, iiryhmatohme exĩko mana, sam katohme, tykararahse ehtopo, tonahkase ehtoh roropa, kohmamyry xinukutume exĩko mana, akurũ tõ xinukutume samo, omoxinety samo.

Epereu 10:27

Morara exiryke kyyrypyrykõ onurumekara kuahtao xine ynara rokẽ nae sytatose, kuãnopyrykõ zuno rokẽ exĩko sytatose. Kurãkõ apiakatoh po kuapiakatorỹko Ritonõpo mana, tyyrypyrykõ poko exiketõ wãnohtoh po. Apotoimo konõto htaka tyzehnotokõ emãko Ritonõpo mana, toto enahkatohme.