Jo 15:21 - Ritonõpo Omiry: A Bíblia Sagrada na língua Aparai do Brasil

²¹ Panaikatõ etaryhtao oserehnõko mana; tõsewomase osekarõko mana, moro ae ro omato tõ oehnõko osetapase imaro.

Jo 15:21 ပူးပေါင်းရင်းမြစ်များ

2 Tuisa 7:6

Panaikatõ totapose Ritonõpo a Xiria soutatu tomo a imoihmãkõ oepyry samo; soutatu tomo te, kawaru tomo te, kahu tomo oepyry samo. Naeroro ynara tõsenetupuhse toh nexiase; heteu tõ tuisary, Ejitu tõ tuisary maro topehmase Izyraeu tõ tuisary a soutatu tõ enehtohme etonatohme kymaro xine, tykase toto.

Exite 7:6

— Yna epekara, yna enahkary se exikety, mose Hamã popyra exikety! tykase Exite. Tonaroxitapãse Hamã tuisa enẽko rokene, tuisa pyty enẽko roropa ynororo.

Jo 15:24

Popyra ehtoh oepyry, aosanumatoh tonõ roropa, enaromỹke tyrĩko mana. Iporemãkapõko mã toto tuisa konõto samo, tysoutatu tõ maro.

Jo 18:11

Popyra ehtoh toto zomye toto enaroximãko, toto ekahmãko roropa aytorykohtao.

Jo 18:14

Tousẽme exĩko mã toto tytapyĩkõ htae, moro tao torẽnase toh nexiase towomase sã roropa, mame tysyryhmasẽme exĩko mã toto Tuisa Orihtoh ẽpataka.

Jo 20:21

Emero rokẽ apoiry kuhnõko mana, yrome imõkomory enahnõko mana.

Jo 22:10

Morara exiryke seromaroro popyra ehtoh tuhke ãpurũko mana, mõtoino rokẽ enaroxitapãnõko mase.

Jo 24:17

Saereme ehtoh zuno mã toto. Yrome ikohmamyryhtao enaromyra mã toto.”

Jo 27:20

Popyra ehtoh mokyro pona oehnõko mana tuna zueme exikety samo. Koko tarosẽme exĩko mana tyryrykane konõto a.

Saumu 92:7

popyra exiketõ emãnõko ãtarykahmã samo, azahkuru exiketõ tymõkomoke exĩko roropa, repe, yrome tonahkasẽme exĩko mã toto.

Porowepio 10:24

Popyra ehtoh zuno zae pyra exiketõ ahtao morara exĩko mana, zuno aehtopõpyry ae ro, yrome zae ehtoh poko exiketõ typenetatohkõ apoĩko mã toto.

Porowepio 28:1

Popyra exiketõ epãko mã toto onekahmara imehnõ ahtao ro, yrome ajohpe pyra exikety orẽpyra mana reão samo.

Jeremia 6:26

Ynara ãko Ritonõpo typoetory tomo a: — Oemynyhmaryme upo amurutoko kamisa topuxiximã risemy, oporohtoko oruno pona. Oxitatoko omũkuru hnamory samo, toirono; xitatoko oehsasaka oenahkaponekõ exiryke.

Rewitiku 26:36

— Amarokõ isene ro exiketõ imeimehnõ nonory po oserehnõko matose, ituary epukary etaryhtao oya xine epãko matose; epãko matose oekahmanekõ sã oepetõkara a, epukãko matose ozehnotokõ pyra ahtao opũto xine.

1 Korĩtiu 10:10

Ritonõpo poko tãtakirimase kytamurukomo. Naeroro taorihmapose toto Ritonõpo nenyokyhpyry a. Toorihse toto. Naeroro Ritonõpo poko atakirimara sehtone.

1 Tesaronika 5:3

Ynara karyhtao eya xine: “Emero kure sytatose,” ãko toh mã repe, tuaro pyra toexirykõke. Yrome axĩ toto etuarimatoh oehnõko mana. Atarypõko mã toto, nohpo oxietũtopitory samo. Toepatohkõ zupĩko mã toh repe.

Apokaripxi 9:11

Tosẽke roropa toh mana, Ritonõpo nenyokyhpyry mokyro, joroko tõ eutary erase. Mokyro esety epereu omiry ae Apatõme mana. Kyreku omiry ae Aporiãome mana, (ryhmatõ kary).