17 “Etako pahne, Jo, josenetupuhtoh ekarõko ase oya; ynenehpyry ekarõko ase oya.
“Morohne emero enease jenuru ke; etase roropa emero ypanary ke, morohne emero zuaro ase.
Moro motye ahno popyra ehtoh nuriame, tuna ẽnõko sã tyyrypyrykõ poko mã toto.
Tuaro exiketõ imehnõ amorepãko ajohpe pyra ehtoh poko, tumykõ namorepatoh tonõ poko,
“Naeroro, Jo, etako pahne jomiry, otato exiko jotururu poko.
“Tuaro exiketomo, tamorepase exiketõ roropa, etatoko ke jotururu.
“Jo, penekehpyra exiko, ajohpame samo. Oturutoh nae ro ase ekarotohme oya zae Ritonõpo ehtoh poko.
Etako pahne, Jo, morohne enease zae ehtoh waro jehtohme. Ajohpe pyra mana. Moro poko osenetupuhko tuaro oehtohme.”