Jo 14:5 - Ritonõpo Omiry: A Bíblia Sagrada na língua Aparai do Brasil

⁵ Isene yna ehtoh tuhke jeimamyry waro Ritonõpo mana. Otãto nuno isene exĩko ynanae? Omoro, Ritonõpo, zuaro mase. Moro tyrise oya, onytyoromasaromepyra ynanase.

Jo 14:5 ပူးပေါင်းရင်းမြစ်များ

Jo 12:10

Onokyro isene emero Ritonõpo poe mã toto. Ipoe rokẽ ahno tõ emero isene exikehpyra mana.

Jo 14:14

Toorihse ahno ahtao ẽsemãnõko ropa nae? Yrome kurehxo ehtoh eraximãko ase, jetuarimatoh tonahse ahtao.

Jo 16:22

Jeimamyry tõ, tuhke pyra toehse, tõtyhkase ahtao ytõko ase moro osema ae oehpyra ropa jehtohme.

Jo 21:21

Yrome, toorihse ynororo ahtao, aorihtyã esao ynororo ahtao, oty kara mana tyekyry atasamary poko.

Jo 7:1

“Isene ehtoh sero nono po tupime mana, soutatu tõ erohtoh samo; erohnõko mã toto emero porehme yronymyryme,

Saumu 104:29

Toto winoino oeramaryhtao oserehnõko mã toto; toto oserematoh tupuxihkase ropa oya ahtao orihnõko mã toto, nonome exĩko ropa nono risẽme toexirykõke.

Saumu 104:9

Tuna ehpio tyrise oya moro ehpio onymotyẽkara tuna ehtohme, oehpyra ropa mã kehko sero nono poro, nono nerypyra ropa ehtohme.

Saumu 139:16

Kuenene enurupyra ro jahtao. Apapẽ pokona emero isene jehtoh poko tymerose oya ẽmepyry punero, onyrihpyry exipyra ro ahtao.

Saumu 31:15

Ypyno exikehpyra mase. Kypynanohko jepetõkara winoino, yyryhmary se exikehpyra exiketõ winoino.

Saumu 39:4

“Ritonõpo Jesemy, otãto ẽmepyry nae ro hano joorihtoh pona? Otara ahtao orihnõko hano? Kuuruko isene jehtoh enatyry poko.”

Ekereziaxti 3:2

Enurutoh nae mana te, aorihtoh nae roropa mana, arykatoh nae mana te, toutoh nae roropa mana.

Ekereziaxti 8:8

Tyryrykane onukuremasaromepyra sytatose, apoiry waro pyra roropa sytatose. Moro saaro kuorikyrykõ ẽmepyry onymenekasaromepyra sytatose. Moro etonatoh wino epasaromepyra sytatose, tuarohxo ehtoh ke roropa osepynanohsaromepyra sytatose.

Tanieu 11:36

— Typenetatoh rĩko Xiria tuisary mana. Tuisame imehxo toehtoh poko osekarõko mana, ritõ tõ emero esẽme samo. Epyrypãko mana tuisamehxo toexiry poko, Ritonõpo emero Esẽ kerekeremãko mana. Morara tyrĩko mokyro mana zuãnohtoh pona Ritonõpo a; mokyro wãnohnõko Ritonõpo mana tõsenetupuhtopõpyry ae ro.

Tanieu 4:35

Ritonõpo a kurãkõ nymyryme pyra sytatose; ipoetoryme sytatose nono põkomo te, inenyohtyã kapuaõkõ roropa. Tyriry se ynororo ahtao anakorekehkasaromepyra sytatose. ‘Morohne poko pyra exiko,’ kasaromepyra sytatose eya.”

Tanieu 5:26

Seromaroro moro enetupuhtoh ekarõko ase oya: MENE kary, “Tuisame oehtoh ẽmepyry tukuhse Ritonõpo a, tonahkapose eya” kary.

Tanieu 5:30

Moro kohmamyry ae ro Peusazaa, Papironia põkõ tuisary totapase.

Tanieu 9:24

— Tanieu, 7me 70 jeimamyry tyripose Ritonõpo a oekyry tõ, ipatary kurã roropa pynanohtohme, popyra ehtoh enahkatohme iirypyrykõ roropa. Mame oekyry tõ rypyry tykorokasẽme exĩko mana, zae pyra ehtoh topehmasẽme exĩko Ritonõpo a. Morarame Ritonõpo nenepohpyry, urutõ nymerohpyry roropa exĩko mana. Ritonõpo Tapyĩ Kurã tukurãkasẽme exĩko roropa mana.

Ruka 12:20

Mame ynara tykase Ritonõpo eya: “Oepyrypary hmoro. Seroae ro orihnõko mase. Mame onoky omõkomohpyry esẽme exĩko nae? Onoky onukurãkatyã esẽme exĩko nae? Imehnõ õkyryrỹpyry esẽme exĩko mana,” tykase Ritonõpo eya. Mame toorihse ynororo, tykase Jezu eya xine.

Atos 17:26

Toiro orutua wino kymarokõ emero tyrise eya ahnome, nono po kuehtohkõme. Kuenurutopõpyrykõ waro Ritonõpo mana, kuesarykomo, kuorikyrykomo. Emero zuaro mã Ritonõpo, tykase Pauru toto a.

Epereu 9:27

Toipe sytatose. Emero porehme orihnõko sytatose toiro. Moromeĩpo kuapiakatorỹko Ritonõpo mana.

Apokaripxi 1:18

Orihpỹme exiketyme ase. Jorikyase repe. Yrome eneko ke, orihpỹme ase jũme. Orihtoh esẽme ase, aorihtyã esẽme roropa.

Apokaripxi 3:7

— Jomiry imeroko ynenyokyhpyry neneryme, ypoetory tõ Pirateupia põkõ amorepane neneryme. Ynara kaxiko eya: “Ynymerohpyry moro oneneryme. Ywy ase kurãme. Ajohpe pyra ase ipunaka. Tysorotoke ase, Tawi kyryrỹpyry ke. Osa totapuruhmakase ahtao ya moro anapurupyra imehnõ mana. Tapuruse ya ahtao anapuruhmakara imehnõ mana.

1 Samueu 26:10

Ritonõpo rokẽ mose etapãko, aorihtoh po toehse ahtao. Otarame etonatoh poko tahtao orihnõko mana.